2010年5月7日星期五

陽謀


五月果然兇險。

相信整個中環今日都係「熊猫眼」,大概表情同NYSE個 Trader一樣,都係眼光光!

琴日聲稱全球最大、交易系統最先進的美股,竟然發生獅王33蚊事件翻板。唔同係,更大規模,更有計劃。

幾分鐘嘅急挫,道指暴瀉998點,指數組成114年以嚟,從未試過。

跌幅百分之9.2,係87股災以嚟最大,比911時仲要嚴重。

如果再跌多52點,就足以觸發Circuit Breaker,到時就真係要停市。

噤樣一跌,美股市值一間,蒸發超過一萬億美元。

當時喺交易大堂嘅出市代表,只有兩個反應,除左只識大叫、就係目定口呆。

恐慌嘅程度,令VIX指數曾經急升63%。

傳聞一,直指花旗嘅交易員落錯盤沽寶潔,觸發股價急跌三成六。

交易員原本打M字,即係指示沽出百萬股,但最後打錯B字,結果十億股就咁大手沽出,隨即引發骨牌效應。

不過花旗話,無證據話佢地係罪魁禍首。

寶潔噤樣一跌,觸發大量嘅程式沽盤,引發雪球效應。有六隻股分,股價由十幾至五十幾美元,一度跌至「零」,即係跌左足足100%!

面對咁大波幅,美國證監會,同紐約證券交易所、以及納斯達克交易所,即時緊急開會,急謀對策。

納斯達克交易所,將錯盤期間,股價波幅六成嘅交易,會被取消,涉及數百隻隻股分。

但問題係一個錯盤唔足以推低多隻股分,NYSE歸究係電腦程式買賣觸發大跌市,但強調無系統故障。

炒家可能故意造淡獲利,當局初步查到,一個嚟自芝加哥系統嘅大規模沽盤,可能同跌市有關。

事關美股跌最多嘅兩分鐘內,剛好喺芝加哥買賣,而同標普五百指數掛勾嘅期指,竟然出現高達16億張空倉盤。

期間標普五百指數交易所買賣基金ETF,亦有唔尋常交易出現。

傳聞證監會正查緊,有無涉及人為製造大量沽盤,從中獲利。

另一不尋常係美股三分二交易、係透過超級電腦系統進行嘅「高頻交易」High Frequency Trade。呢個系統有助製造流通量,亦被批評加速市況波動。

奇怪的是,當美股跌五百點後,多個高頻交易商居然選擇暫停交易,表面講就係避免令市況更波動。

但實際情況係市面突然減少了大量的Liquidity,大量沽盤搵唔到買家,結果就加速市況下跌。

據聞財長蓋特納,啱啱同一時間,由國會返回財政部,䏲Blackberry見到個市跌百分之3,即時問屬下Trading Room鰥發生咩事,回覆係因為希臘同歐洲危機。

之後見跌到百分之九、蓋特納已經肯定係有啲野錯咗,之後同聯儲局即時開Conference call,仲要通知總統事態不尋常。

巧合的是,紐約證券交易所喺八七年股災後,引入左停市機制Circuit Breaker,道指如果跌超過一成,就要停市。

交易所每季會公布一個跌市指標,今季就係跌1050點,就要停市一個鐘。

即係話星期四跌市,只係差五十二點,就會觸發停市機制。

真係咁準?

沒有留言: