2010年6月17日星期四

有錢唔賺

舊年十月話賣咗廿四個單位,事隔八個月,二十個撻咗訂,事件好像告一個段落。

但留下的疑問,肯定比答案多。

包括以天價七萬一千蚊呎賣嘅單位,點解咁多撻訂?

點解恒基唔追收重售差價? 點解只殺訂5%咁少?

究竟買家同恒基有咩關係?

我地問過法律界人士話,由於天匯呢類豪宅成交價往往過億,買賣條款會有較大彈性,當日價單都寫明只會最多殺訂百分之五。

但不追收差價就令人相當費解,有證券行就計過,天匯二十個撻訂單位,當日平均賣四萬一千幾蚊呎,而家重售跌價三成六,如果恒基肯學其他發展商追收差價,可以收番12億元、唔係而家只係殺訂一億三千萬。

十億元理論上可以全數撥入盈利,有錢唔賺、點都要股東解釋啩?

由大跳層,到驚天大撻訂,李兆基雖然話好少事,但證券界另有諗法。

瑞信撻訂唔收差價,已經對股東唔公平。

由於撻訂令恒地有虧損七億幾,幾間大行話,影響唔大。

但錢銀事少,信心事大。

佢地提到恒地新盤被買家撻訂不止一次,天匯之外,亦有沙田名家匯,質疑恒地執行賣樓部署能力,恒地管理層似乎要留意呢個問題。

政府亦開始高調回應,話同公眾一樣關注、天匯最終只係有四個單位完成交易,政府絕唔容許任何製造虛假交易、發放混亂銷情資訊嘅行為。

仲話政府相關監管及執法部門,現正研究同跟進有關個案。

死啦,唔通四叔要坐? 陰功!

2 則留言:

匿名 說...

四叔要坐?發夢沒這麼早﹗

香港這十三年以來,從未拉過半個大家族,反而我們的前殖民地宗主國還敢做做戲,拍拍大老虎,但我們現在的宗主國早已跟各大家族河蟹了﹗

這事應該到此為止,否則香港公安or ICAC 早就take action。

哈哈

匿名 說...

in fact, i don't know what the government can do? which law can be used to charge 恆基? 私有產權,我唔追差價,放棄自己權利?有甚麼問題?

if some investors are not happy what this company does, they can sell the stocks, the market will punish this company