2010年7月20日星期二

停產

Google自行銷售既智能手機「Nexus One」終於停產。

「Nexus One」被認為係Google最失敗既產品、採用由佢地研發既「Android」平台,自從今年一月起喺網上自行銷售後、就不斷收到買家投訴物流程序同售後服務唔理想。

不過要數敗者,應該都唔係谷歌,因為仲有個諾基亞!

剛剛一個月前已經提到諾基亞CEO肯定無得留低! 呢間曾幾何時係芬蘭國寶,佔芬蘭股市市值三分之一,而家時而世易,用家都著草!

盈警不斷之下,諾基亞別無他法,唯有希望撤換高層,嚟個大決戰,初步睇股價都升都5%,反應唔錯!

零六年,即係iPhone推出前一年出任諾基亞行政總裁嘅卡拉沃,已經要成為代罪羊。

公司雖然未炒佢,但諾基亞四出搵新總裁,已經成為公開秘密!

諾基亞認為,新總裁係公司新希望,希望放喺邊,正係花旗國。

諾基亞近日接觸過一啲美國科技公司高層,希望佢可以接任總裁,結果當然係不得要領。

唔肯去芬蘭,除左天氣凍、氣氛悶之外,歸根咎底,係任務艱巨,食唔落!

英國金融時報上個月就作出一針見血評論,話諾基亞產品過氣,新產品欠奉,唯一可以做,係重新定位!

換人係咪解決前芬蘭國寶處境,答案可能係否定。

諾基亞衰衰地,仲係全球最大手機生產商,不過係低端果隻!

佢地爭正係一部旗艦智能手機,可惜既唔係無錢,亦唔係無人,而係無一套好作業系統。

面對iPhone同ANDROID兩大對手,諾基亞原本希望自行研發,先有Symbian,但N8呢部改良版一拖再拖!

另外又同英特爾合作,研發MEEGO,結果係部署大亂,亦令佢地落後市場足足兩年多!

話諾基亞步入夕陽可能悲觀一點。兩年前比佢地更差嘅新力愛立信都可以咸魚翻生例子,證明隧道總有盡頭,關鍵係做唔做到打倒昨日的我!

新力愛立信當年幾乎要執,公司洗心夾面,投身ANDROID,結果第二季盈利升兩成半。

所以呢,雖然Google自行銷售既「Nexus One」將會停售,但贏得市場佔有率,咁輸一部機又有咩所謂?

4 則留言:

conankenny 說...

人地改左名啦,索尼愛立信
http://www.sonyericsson.com/cws/common/contact?cc=hk&lc=zh

Aladdin 說...

閣下講既係國內既譯音,基本上,香港同台灣都無官方中文譯音。一國兩制呀,朋友…

conankenny 說...

唔係WOR, 朋友,
佢地繁體官網都係咁寫WOR
仲有, 根據維基, "2009年3月31日起,依據「Sony全球品牌規範」定調全球統一中文名稱為「索尼」,以更接近「Sony」的發音,原先採用「新力」為譯名的地區,已陸續由「新力」更名為「索尼」。"
http://zh.wikipedia.org/zh-tw/SONY

匿名 說...

覺得N1都幾好用喎,物流上面的DHL係有問題,售後服務就touchwood未試過。

唔洗停產啊嘛。