接任人

要數最觸目的接班人,沒有那個比作為千億市值既巴郡掌舵人更令人注目吧?

華爾街日報今天以頭板作出這個震撼報道: 79歲嘅巴菲特已經定出退休計劃。

佢會先將巴郡重要職能一拆二,分為行政總裁,同投資主管。

巴郡旗下、中美能源主席索科爾,係接任行政總裁大熱。

而曾經參與八九民運的李祿、就負責投資,打理股神一千億美金投資組合。

至於巴菲特個仔Howard,就會擔任非執行主席。

李錄哥倫比亞大學畢業後、加入投資銀行,98年自立門戶搞對沖基金公司,每年平均回報超過兩成六,跑贏美股。

巴菲特幾年前講過,佢有三個侯選接班人,但要符合三個條件:獨立思考、情緒要控制得好、同埋對個人,同機構都有好理解力。

佢講到明,如果佢老友,86歲嘅副主席芒格後生三十年,就非佢莫屬。

芒格亦一直努力幫巴菲特物色接班人,據講侯選人通通經佢過目。

七年前,佢認識李錄,兼打本俾佢搞基金,單係投資比亞迪,賺左九倍,令整個基金回報超過三倍。

遇上百樂,李祿兩個月前,喺內地刊物撰文、感激芒格,話對方係終身良師益友。

巴菲特王者地位,可能由中國人接捧,中環聽者無不興奮。

若果係真,即時想法係作為高盛大股東,布蘭克費恩以後咪要向李錄匯報業務?

20年,由寂寂無名,到幹一番事業,正如李錄所講,勤力之外,要靠機會。當然,亦反映個人質素。

李錄放底當日包袱,有今日成績,華爾街日報話佢,努力兼聰明。認識佢嘅人私底下講,李兄大成功,所以有點傲慢。

但奇就奇在,今次巴郡接班人咁大件事,竟然唔係由巴菲特「御用」友好CNBC報道!

被華爾街日報搶頭啖湯,翻看整個部署,要講接班人問題,似乎係巴菲特老友芒格出手,所以巴菲特絕非刻意隱瞞好友!

觀察家話,年事已高嘅芒格,一心護主。眼見面前有個潛力接班人,決定嚟個既定事實,一嚟先試外界反應,二嚟希望心願早日完成。

芒格對巴菲特影響力極大,少至比亞迪,大至Burlington都係經佢引介。

念舊嘅巴菲特,近日翻睇故友多年錄影帶,不禁落淚。因為佢最想嘅人,係既有投資能力,亦有公益善心。

掉轉頭看看李錄,民運嘅經歷,原來係佢重要資產,當時書商出錢俾佢出書,佢攞筆錢去投資。之後仲成立對沖基金。

民運英雄呢個身份,令唔少知名人權份子,都肯打本俾佢投資,亦變成他的第一桶金。

不過股神講過佢最少有三個接任人選,而家李錄雖以大熱姿態出現,但一出場就是「真命天子」? 恐怕事實不會這麼簡單吧?

要知道事態發展,大家最好看實巴菲特今年九月既中國之旅,佢除左會老拍檔芒格、以及蓋茨同行,而家傳李錄都會一齊到中國,仲會順便視察比亞迪。

如果當真成事,就可能真的令芒格心願成事。

留言

man man說…
普通话? 广州话?
语言是让活的人沟通的工具, 活的人在不同的地方, 会遇上不同的环境, 有不同的天气, 食物, 疾病等, 甚至要跟不同的邻邦贸易交流, 所以语言在不同的地方也自然会有差异. 看看英语吧, 就是同一个发源地, 同一种语言, 到了美国, 澳大利亚, 印度等也会出现地区化, 本地化的情况. 如果没有先进的资讯科技, 环球的英语媒体, 英语本地化可能会发展到一个程度, 就是新西兰人可能已经不能跟爱尔兰人轻松谈话了.

广西省的广州话可以说已经不行了, 都被普通话淹没了, 但是北方人还是嫌当地的普通话不够标准. 我认为广西跟北京距离这么远, 环境差异这么大, 广西里面有些东西, 观念, 北京人根本一辈子都不会碰到, 也不懂. 北京人实在没有道理自以为是, 规定广西人说的话跟自己一模一样, 忽略了自己语言局限. 按照自然的发展, 广西的普通话永远都会跟北方的有一定的差异.

大体来说, 普通话有4个声调, 而广州话就可以有9声. 声调的多少, 往往会影响到异字同音的情况有多普遍, 异字同音越是普遍, 就越是容易产生混乱, 会话就越是困难. 我想谁学过日本语的, 谁也会更有体验吧. '成功', '性向', 松田圣子的'圣子', 甚至'性交'等, 都是 sei kou.

'bokuniha seikouga daisukidesu!' 到底是什么意思呢?

从这个角度来看, 广州话确实比普通话优胜, 比普通话好用.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將