2010年10月4日星期一

實金

為抗通脹,買金。

貨幣貶值,又買金。

紙上投資有風險,大批投資者寧願儲實金。

結果零售市場出現金慌情況,想到銀行買金、亦最好問左先!

本港幾間有賣金嘅主要銀行,中銀香港話旗下分行無論金粒、同金條已經零存貨。

金價原來有數據支持,根據顧問機構嘅調查,目前私人投資者持有嘅實貨黃金,高達三萬噸,佔全球儲量超過六分一。

係有紀錄以黎首次,比中央銀行仲要多。

多人買金,儲存黃金需求亦大增。

摩根大通決定重開一個紐約關閉廿年地底金庫,更同時喺新加坡興建新金庫。

多間歐資銀行好似德意志、巴克萊亦都計劃喺倫敦開新金庫,應付客戶存放實金需求。

呢啲歷史尤久嘅商業銀行,唔少金庫,都已喺八、九十年代停辦,好似摩根大通創辦人百幾年前喺紐約呢個金庫原址,依家已成為一間牛扒餐廳」BOBBY VAN'S STEAKHOUSE。

今時今日相信改名做Gold Vault Steakhouse, 可能更易吸引遊客光臨!

沒有留言: