2010年11月3日星期三

發水.魔鬼

賣地前與同事打賭,到底延文禮士道地皮反應如何?

大部分身邊同事反應係樓市熾熱,按「面粉貴過面包」真理,地價不會平!

我卻獨排眾議,認為發展商至少會「扮」審慎,賣地成績不會好到那裹。

結果地皮又由華懋承得,呎價唔使一萬蚊,係預期下限,比起上次同一發展商投得義德道地皮,差不多平了一半。

華懋都承認,項目趕唔切入則,需要遵守新限制,但強調價錢仍然合理。

令人奇怪的是,長實專誠到場,不似是為投地而來,反而公開批評,政府限制新樓發水政策,構成不明朗因素,並會令樓宇供應減少。

對限制發水的影響,我們早已提出對發展商投地以至賣樓部署,有翻天覆地的影響。

試想,以前明明可以在投地後透過「發水」將成本降低百分之二十至三十,而家只可以攤薄十個巴仙,加上用實用面積計,令以往透過窗台、加厚牆身等技倆不能再用,投地成本增幅可能達到兩成以上。

長實更加公開批評,政策反而會減少、甚至減慢樓宇供應,輾轉再推高樓價!

佢以停車場為例子,指新政最直接影響係將住宅單位攞咗嚟起停車場,預超少8-10%住宅量。

吳佳慶提出另一個歪理,係豁免呎數唔係免費,發展商在投地前已Discount有關因素。

其實「發水」的政策由02年開始,目標就不是要增加供應,而是希望透過豁明可以改善大廈的環保設施及居住質素,但聰明(?)的發展商就透過這種漏洞,將錢賺到盡之餘,仲剥削了買家那僅有數百呎的居住面積。

這不是魔鬼是什麼?

由第一日堅叔說:「一法立、一弊生」,到今日連長實都高調說歪理,甚至有人不排除司法覆核,反過來說可以證明新法是戳中了發展商的要害,現在群起而反撲。

問題是政府有無決心打好呢場仗?

忽發奇想,唔知呢篇文出街後,我們會否被「關心」?

1 則留言:

匿名 說...

新的偽豪宅發水厲害, 實用率低, 呎價又比同區舊樓高. 買家若不想讓人呃,最佳辦法是抵制這些貴價偽豪宅, 只買舊樓.但市場為何不是這樣.偽豪宅去貨還較同區20/30年樓齡的實用舊樓快. 買家真的不喜發水偽豪宅嗎?