2010年12月16日星期四

唉瘋全球化


以前話由一條牛仔褲睇全球化。

雖然喬布斯好鍾意著牛仔褲、不過要說明全球化的最佳代表,反而係佢手上部iPhone。

一部智能電話,竟然令中美貿易順差誇大左十九億美元。

條數點計?

WSJ今天有篇報道,提到亞洲開發銀行屬下一個研究發現,iPhone雖然係美國蘋果公司研發同銷售,不過組裝就喺富士康深圳廠房進行,最大問題亦喺呢度出現。

富士康既組裝、只係佔左一部iPhone批發價錢179美元之中、區區3.6%,即係話只係值6.5美元,約五十蚊港紙。同嚟自日本、德國以至南韓既高增值部件,相距甚遠。

不過呢六點五美元,就係令到iPhone所有成本,都轉嫁到中國。

以舊年蘋果賣出1130萬部iPhone計,出口總值係二十億美元,扣除番由中國入口既美國零部件,以目前中美官方的傳統統計方法、得出中國喺iPhone上既貿易順差,係19億美元。

亞洲開發銀行話,如果改用附加值既計算方式,實際iPhone係令美國對中國有四千八百萬美元既貿易順差。

報告指,美國國會經常提出,人民幣幣值被低估二至四成,即使人民幣未來真係升值兩成,咁組成本只係增加至7.8美元,根本唔可能改變中美之間整體貿易。

世界貿易組織話,而家所謂既"中國製造",其實只係喺中國組裝,喺整個全球價值鏈中,只係佔好少部分,過去所謂「制成品原產國」呢一個概念已經過時。

以中美貿易為例,佢地認為實際情況係誇大左一倍。

不過計我話,除左中國不滿貿易逆差被誇大外,最唔Like 可能係喬布斯。

明明自己放左咁多心血,而家話iPhone4係"Made in China",哈真係想Send個「猫」比佢睇下有咩反應!

唔知覆唔覆呢?

沒有留言: