2011年1月13日星期四

自由何價?

傳統基金會繼續比香港全球最自由嘅經濟體榮譽,經濟自由度指數,香港比第二名嘅新加坡高2點5分,得分差距比舊年收窄咗1點1分。

{已經連續17年,其實仲有咩好講?}

不過壞消息係,領先優勢收窄咗。

{算咩壞消息? 就係呢個獎跟本唔值得要!}

基金會話,新加坡不斷更新政策改善經濟自由度,唔排除下年會追過香港成為第一。

{呢句說話又係好似近幾年成日聽到!}

邊度失分?

主要係政府支出明顯倒退,表現差過新加坡,而處理貪污嘅能力,同勞工評分都輸蝕。

{呢點又啱,香港近年的新投資、根本遠不及新加坡,看看人家的賭城、環球片場,新景點多的是,香港近一年有咩新景點? 你數唔數得出?}

反而喺商業、財政,投資同保護產權方面,香港仍然有優勢。

佢哋建議、特區政府應該研究點樣增加資助企業,唔係留一大筆盈餘,利得稅亦可以減至一成半,扶持中小企。

{吓! 今時今日減利得稅? 政治不正確喎!}

同時關注本港稍後執行最低工資,對營商嘅影響。

{好似全世界都有最低工資? }

{話說回來,連G20都公開呼籲新興國家要想辦法堵塞熱錢流入,各個主要經濟體系在金融海嘯後對市場干預均有增無減,匯率保維戰一觸即發,咁到底經濟自由重要、抑或金融穩定重要? 新加坡真係要呢個獎? 比佢啦!}

沒有留言: