2011年2月17日星期四

做假

先改動通脹率計法、國家統計局再向樓價埋手。

新嘅統計方案,調整咗房價數據來源、以35個已經聯網既城市成交記錄、代替以往七十大城市採用既樣本數據。

同消費物價一樣,國統局引入左所謂「定基價格指數」,調整為以2010年樓價做基礎、由於有基數效應、換言之樓價肯定可以做低。

新計法下既一月分樓價數據,首次會喺星期五公佈,但就唔會再發布70大城市房價漲幅,國統局解釋,係要避免誤讀喎!

中歐工商學院經濟與金融學教授許小年比喻得好,佢批評新計法就好似改左一個探熱針既刻度,病人變成退燒唔使再食藥,但實際病情跟本無改善。

國統局既樓價統計數據,過去都多次被批評「失實」,好似舊年二月公布既09年樓價、全年只係上升百分之一點五,就受到網民猛烈批評「做假」。

華爾街日報話,國統局連續調整食品同樓價統計方式,一方面削弱數據既可信性,而調整既時間都係巧合喺物價高企時進行,難免係令人有「造數」嫌疑。

2 則留言:

匿名 說...

根據已故歷史學家黃仁宇的說法,中國之所以不能現代化,就是這種作數文化太盛,國家無法以數目字管理,雖有強大潛力,但效率極差,不能好好利用。現在的當權者又要這樣重蹈覆轍嗎?

匿名 說...

Most US Enterprise do similar thing.