2011年2月24日星期四

退稅經濟學

想不到退稅會否引起通脹,會引來大家咁熱烈討論。

當然對於一些經濟學問題,都係找來專家問一問較好。

請教過KC羅家聰、雷鼎鳴教授、還有港大何樂生。

KC專登翻查經濟學文獻,指出證明沒有任何經濟學研究是支持退稅會推高通脹,相反支持退稅不會刺激通脹就有紀錄。

雷鼎鳴及何樂生亦質疑、曾俊華話退稅會刺激通漲、邏輯牽強。

退稅刺激通脹、財爺呢兩日不停重覆咁講。但究竟會刺激幾多個百分點呢?

香港嘅本地生產總值、舊年年底係一萬七千四百幾億、當中私人消費佔六成、即係一萬零八百億度。

舊年政府退稅俾百幾萬納稅人時、每人上限六千、總共四十幾億。

粗略一計、只係佔消費總值千分之四。

何樂生推算、即使所有人、知道有得退稅、駛多左錢、對通脹影響都係微乎其微。

何況大家都心知,而家退稅六千比你,你會使多定儲多?

香港貨品主要靠進口、價格唔會因為本港消費影響好大。要數刺激通脹、大幅加煙稅令每包煙貴十蚊,可能影響仲直接!

最重要是刺激通脹的措施如非結構性、只是簡單一次性的措施,其實不會引起極大的通脹預期,所以長期趨勢肯定比一次性退稅重要。

如果說美國QE不會引發通脹,似乎是有點短視,在美國國內,對通脹已經風向有變,大企業紛紛加價,聯儲局內鷹派如普洛瑟,已表明會投票提早中止QE2。

現在的問題是、不單要擔心通脹,但要擔心是滯脹,當然這是另一個故事,有機會再談......

2 則留言:

匿名 說...

退稅會引起通脹,可能係一個煙幕……其實曾俊華係一定要確保所退既錢、完完全全投放晒在香港、一毫子都不能流出香港。增加經濟體系之實力,這個是他能力控制範圍所做到的。而巨額盈餘又冇得退稅係可能因為現在樓市係用家主導……即係散尸入貨越升越有(牛市第三期)。遲的泡沫暴破、這些巨額盈餘到時就真真正正好有用了!

Lacie 說...

匿名,

完全贊同!可惜香港有你這樣智慧既人太少。經濟‘專家’冇,傳媒冇。政府有唔少,可惜唔夠政治家膽識。

Lacie