做世界

投資十年,3G終於有回報,
 
亦帶動和黃全年賺左二百億元,增長左四成七,末期息派一個四毫一,增加左一成六,係二千年投資3G以來、首次增加派息。
 
不過細心一比較,就會發現派息比率就由54%降至40%。
 
既然李嘉誠話、3G唔再係集團負擔,要過渡到4G,資金亦唔會係問題,那又緣何減派息比率?
 
又要引用FT Lex說過,世上有三大秘密:可口可樂的配方、英國女王的財富以及和記黃埔一年內賺多少錢。
 
要拆解3G業務,雖云首次錄得未計利息稅前盈利,賺左二十九億,不過主要係來自英國、以及意大利既七十幾億網絡共享同頻譜收益,唔好唔記得上半年仲有十億特殊收入來自供應商補貼,即使扣除埋為英國撥備的三十多億元,即係3G仍要蝕!
 
霍生本來都夠晒面皮厚、一句「做世界」有咩唔好,已經道盡Dealing Profit對和黃的重要性,點知都係唔夠誠哥高手!
 
李生向霍建寧耳語,說不要叫特殊既交易收入,叫番Regular Profit好些!
 
經誠哥一指點、Canning改口話呢啲係經營收入、非交易收入!
 
原來和黃已經"化景"到、可以將一些明明是特殊交易收入,轉手化成每年都有的「經營收入」,證明和黃財技先至係高招,咁既資產負債表恐怕真係無咩人會明!
 
其實雖然李生說3G過渡到4G無需好大投資,不過觀乎最近英國對當地競投的緊張狀況,有行計過,今年會係3G一個關鍵既投資期,因為歐洲既多國4G牌照費、每個就要三億歐元以上,和黃要決定係咪繼續投資、定係會「賣盤」撤出呢個市場。
 
不過既然多要方向發功,3G又終於止血。李生似乎唔會咁快賣,佢4G言論,亦平息市場揣測。但作為3G當年推廣人,霍先係咪會功成身退,值得留意!
 
 

留言

匿名說…
"3G仍要蝕!"

呢句就千真萬確. 雖然3G虧蝕突然大幅減少了, 但依然要蝕. 至於將來會否賺錢, 誰能保證? 畢竟, 該公司展望3G轉虧為盈, 說了差不多十年了.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將