2011年3月16日星期三

驚天核網

原以為經過福島核事故後、中國和俄羅斯無論如何也不會放棄價廉物美的核能源。

現實係普京的確表明不會放棄,但總理溫家寶卻力排總議,將核能叫停。

此舉確是需要有非凡的勇氣:溫總主持召開國務院常務會議,決定暫停審批新嘅核電項目。會議要求立即對中國核設施進行全面安全檢查,同用最先進的標準,對興建中的核電站,進行安全評估,不符合標準的,要立即停建。

而審批新核電項目,包括開展前期工作的,更一律叫停。

要知道,在過去一周、由人大通過的十二五規劃,寫明中國要全面發展核電,大部分都起喺沿海地區,單係珠三角,就有三個新核電廠。

數一數全球155座新建的核反應堆中,原來將近半數位於中國!

因此今次一叫停,不知令多少人利益受損,但前車可鑑,現實證明核危機一旦惡化,後果真是不堪設想!

華爾街日報形容,日本依家正同時間競賽。因為地震引發出,最大問題原來係核爆危機!

天災難料,美國傳媒更指,日本核爆係能源業黑天鵝,因為連日本,咁先進,咁穩陣國家,都出現核安全問題,八六年蘇聯核電廠爆炸帶嚟恐慌,廿幾年後今日,又再出現!

核電問題,令新能源發展,可能進入新辯論。到底,人類要創新,環保,定係安全先係最重要呢?新能源可能進入新討論,舊能源毫無疑問會再抬頭!

日本依家有十五間核電廠暫停,由於核電佔當地能源供應三分一,要填補能源缺口,野村估計,日本最少要多入口千四萬噸煤,比正常水平多五成。咁解釋到,點解本港煤股會升!

油價回吐。但從國際能源組織統計,日本核電如果唔回復正常,當地要額外多三千八百八十萬桶油,先可以補替到。即係,油價仍然有借口升!

現代史上有兩次重大核電站事故:79年美國三里島核電站幾乎發生核反應堆熔毀;7年後,烏克蘭的切爾諾貝利核電站發生爆炸。

面對福島的經營商東京電力,有否隱瞞幾乎已是不爭事實,試想4級及6級的介定居然有咁大分歧,就知事態嚴重。

無論如何,世人已經看到核設施發生爆炸的令人膽寒的畫面,災難性的反應堆熔毀已是一個伸手可及、卻又令人極度沮喪的可能性。

顯然,核事故就像恐怖襲擊那樣,會觸及公眾意識深層的恐懼。

雖然現實是、自切爾諾貝利核電站事故以來,全球核電行業有更好的設計和監測。加上全球氣候變化的擔憂日益加劇,兩個因素結合起來,令一度放棄核能源的西方亦再次建造核電站,而一直追求更多安全供應的發展中國家,核電更是夢寐以求的「清潔能源」:成本既平、亦可以削減碳排放。

切爾諾貝利事故之後,國際原子能機構(IAEA)收緊了標准。不過可悲的是,20多年過去了,這些標准仍是自願性質的。

福島事件已清楚告訴我們:核事故不會去理會什麼國界,我們生活在一個有核世界,即是一個小島如香港一樣也有大亞灣,因此的確須確保核設施安全運轉,無論它們建在何處。

沒有留言: