經濟學家的自白

今個星期一、喺紐約時報有一篇文章,係特別引起經濟學界一片震動。

文章標題係:「為何一個諾貝爾經濟學獎仍然唔足夠」

寫文章既人、係今屆諾貝爾得主,MIT經濟學教授Peter Diamnod。

七十一歲既戴蒙德,舊年四月獲奧巴馬提名、出任聯儲局理事,但任命一直無法喺國會獲得通過,到半年獲得諾貝爾經濟學獎,本來當時都一心諗著憑著諾獎既名聲、可以加快任命程序,點知到最後都係無法成事!

戴蒙德喺呢篇"When a Nobel Prize isn't Enough"中,指責共和黨係玩弄政治,扭曲左整個任命程序、以及反映國會內部,對貨幣政策缺乏認識。

戴蒙德喺文章入面、否認共和黨指控佢缺乏貨幣政策既經驗,認為自己作為勞工市場經濟學既權威,喺失業率高企既年代、係可以比更多中肯既意見比主席伯南克。

共和黨領袖其實都講到明、唔支持戴蒙德,更大理由係唔希望聯儲局變成推動奧巴馬增加政府開支既工具,對於呢一點。

金融時報話今次戴蒙德退出任命、其實係為美國既政界響起左喪鐘,因為以戴蒙德祟高既學術地位,亦唔涉及意識型態既爭論,所以事件係更突顯左問題既重心、唔係喺侯選人既質素,反而係兩黨之爭既荒謬同唔合理。

同樣作為諾貝爾經濟學獎得主,克魯明稱讚戴蒙德係「經濟學家中既經濟學家」,今次事件只係反映美國政壇出現既瘋狂現象,以及政治既兩極化,而戴蒙德唯一既問題就係、佢係由奧巴馬推薦,所以先有咁既下場。

其實民主黨亦唔見得喺支持戴蒙德任命上、出左好大努力,對於而家聯儲局面對咁大既經濟不明朗時,仍然有兩個長期空缺,金融時報社論既結尾,就只有呢句:"天祐美國"!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」