門,已經打開

真係有人會幻想過伯南克會「明示暗示」有QE3咁天真?

其實大家都心知肚明、以目前經濟「半紅不黑」的狀況,夾硬要由伯南克口中聽到有QE類似物體的機會率、根本就並不存在。

所以一早已認為,觀察伯南克的身體語言,肯定比佢講既更加重要!

結果,睇佢表現、簡直係不堪入目。

作為全球金融市場最有權力既人物,伯南克承認,佢都唔能夠掌握真正令經濟下跌理由。

"We don't have a precise read on why this slower pace of growth is persisting.......some of these headwinds may be stronger and more persistent than we thought."

令人費解的是、今次伯南克記者會不像上次有備而來,答一條擺明必中的QA,都會如斯吞吞吐吐缺乏自信,只會進一步加深市場對經濟前景憂慮。(抑或他真是演技爐火純青至此? 我不信囉!)

今年內第二下調經濟增長預測,一月時仲估計今年有3.9%增長,到四月、下調到3.3%,到今次會議,進一步下調只有增長2.7%至2.9%。

聯儲局的經濟學家真的如此不濟? 下下都錯成咁?

仔細比較睇番聯儲局既聲明,同四月唔同,幾乎所有對樂觀既字眼都消失: 勞工市場逐步改善換成比預期疲弱,又形容經濟復蘇比預期慢。

對於通脹評估,就取消左基本通脤緩和既字眼、換成通脹預期穩定。

伯南克未有提到今個月第二輪量化寬鬆結束後,有無其他新政策,只係話,今年情況同舊年好唔同,特別係通脹環境。

此言其實已經暗示,QE3的門檻肯定比一年前更高。

雖然伯南克都有派定心丸,話超低利率喺未來兩三次會議都唔會變,但觀乎對經濟前景的高度不確定性,加上大大黑眼圈以及鬼祟的眼神,其實已經反映連伯南克都掌握不了目前的經濟狀況!

諾貝爾經濟學獎得主克魯明批評,聯儲局一方面承認需要更多力度刺激就業市場、但同時選擇唔採取任何行動,做法消極,令佢覺得聯儲局可恥。

英美主流傳媒、都係以「經濟前景疲弱 刺激手段技窮」作為今次會議既標題。

華爾街日報話,同全球經濟快速增長相反、美國經濟放緩係令到聯儲局陷入兩難,估計未來一段一時間局內共識都係以不變應萬變。

金融時報就相信,面對經濟轉差、QE3始終不死,問題係幾時會嚟。

反而整件事最吊詭係債王格羅斯。

格羅斯早於聯儲局發聲明前、已喺Twitter留言,表明今年八月聯儲局舉行年會時候,好有可能會暗示有第三輪量化寬鬆措施、或者係為長期利率設定上限。

格羅斯未有進一步解釋理由,佢喺今個月初曾經講過,相信當局唔會再有QE3措施出台。

如果格羅斯所言非虛,那是否暗示他已經改變看淡美國國債的看法? 又會否由沽空美債、變成重新購入國債?

話說回來,聯儲局為長期利率設限早有先例,時間倒數到七十年前,當時聯儲局將長期債息設定為唔超過百分之二點五、為期長達十年。

而伯南克喺2002年未出任主席時,亦都喺公開演說提到,佢個人係傾向以呢個政策工具、作為壓低長期利率既手段。

我們相信,門已經打開,問題是幾時為君開門?

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將