2011年7月11日星期一

復辟?

上周五一個就業數據,應跌了不少的眼鏡。

原以為私人就業市場表現巨勁,豈料州政府因為削減開支,結果政府相關職位大幅流失!

結果,由市場原來預期增加十萬分以上、縮至只有一萬八千分???

這再次證明,貨幣政策在「流動性陷阱」的景況,根本無助改善經濟就業,現在更多聲音提出,就是要動用財政政策!

剛巧這個時間,美國著名經濟學者泰勒提醒我地,原來今年係凱恩斯主義復辟十周年!

十年前,喬治布殊履行競選承諾,既減稅,增開支,亦史無前例,當年一次過向合資格美國國民,寄出九千二百萬張支票,將克林頓年代積落嘅穀種大花特花,埋下盈餘,變大赤字禍根。

依家講番係上世紀,資本主義入面,由政府主導嘅凱恩斯主義最盛行。當中以七十年代最明顯。

但美國一個列根,英國一個戴卓爾夫人,將奉行政府行先嘅凱恩斯打得落花流水。

列根,同戴卓爾特別係後者,將經濟主導權交回市場,大舉私有化,由於政府唔造大莊,貨幣學系亦因而盛行。但小布殊一出,凱恩斯得到復活,由政府主導,用財政政策推高經濟技倆,繼零一年後,零八,同零九年都試過!

泰勒質疑,三次凱恩斯主義復辟,效用短暫,證明行唔通。

佢同克魯明亦因而各執一詞,一個話,政府再做任何事都無用,經濟效益極短,另一個就話,其實係政府落藥唔夠,洗錢不足所致。

十年過後,凱恩斯主義復辟,到今年極有可能出現轉捩點。事關奧巴馬無小布殊咁好彩,可以坐享其成,同有突如其來國家團結優勢。

相比,奧巴馬背著超過百分之九失業率,每日不停跳既赤字鐘,同共和黨突擊,已經夠佢短幾年命,甚至俾佩琳再做抽水女王!!

奧巴馬的確想洗多的錢,救到經濟,做一個比克林頓、甚形甘迺迪更好既總統。

佢變相將凱恩斯主義推向極點,但衰在依家美國無錢,連黃金儲備仲係咪喺度都成疑。

更慘,八月大限將至,舉債上限唔通過,奧巴馬似乎無條件承擔唔知會出現咩既後果!

亦因為咁,白宮最後讓步機會極大,奧巴馬亦話咩都有得傾,但只係共和黨玩嘢臨尾改口風,變成要繼續呢場博奕死亡遊戲。

但白宮處處退讓,就令克魯明好不滿,公開批評,奧巴馬唔知自己做緊咩!!

無他,奧巴馬之所以同共和黨有計傾,係佢好大機會會大幅削減開支,社會福利,甚至一度令佢嘅醫療計劃唔再堅持全面推行。

亦即係話,國債上限呢個議題,變相令凱恩斯主義喺形勢比人強之下,再打入冷宮。

作為新凱恩斯主義學派代表,克魯明見祖先只係翻生十年,當然唔開心。

但另一個角度睇,泰勒亦係無錯,美國唔講、中國亦係財政政策高手,到頭來,經濟數字保得著,但後遺症原形畢露!!

純市場機制,三年前大家領教過市場失效既破壞力。凱恩斯復辟,最終會令全球赤字愈滾愈大。趁凱恩斯主義復辟十周年,應該再思考下,下回合主導當家既經濟意識形態係咩!!

難道真係有資本主義四點零呢回事??!

2 則留言:

man man 說...

政府最快2015年推出自願醫保計劃業界有疑慮...........
市民交的税款哪里去了? 医院管理局管理层臃肿, 每一个都年薪几百万, 市民的税款已经够冤枉了. 以后要再多养肥一批保险公司高层. 到时候官, 商高层有更多本钱, 可以囤积, 炒卖房子, 赚钱赚到尽, 市民大众只有一个利用价值: 给钱.
我认为应该把周一嶽的职位开放普选, 或者变相普选, 让各路人马参选, 多提出一些政府想不到的方案. 再让市民投票, 让市民比较心服口服.

匿名 說...

man man:

自願醫保計劃是自願的. 認為蝕底, 可選擇不參加. 医管局的服務水平有公論. 市民交的税款哪里去, 每年財政預算都有交代, 更有立法會和審計署的監察. 不是樣樣事都可靠全民投票解決. 社會沒有共識的話. 全民投了票也會有人條氣唔順而不承認投票結果. 像泰國黃衫軍一樣.