2011年7月5日星期二

iBond

iBond成為全城熱話,大家都會問: 是否政府另一派錢途徑? 真金白銀是否抵買?

KC羅家聰話,佢估計以下半年通脹率計、債券會有百分之六至七回報,但真係要抗通脹,其實應該諗吓其他嘅投資,因為通脹一旦真係達到七、八厘,即是代表高通脹年代來臨,肯定同時期會出現加息年底,KC認為屆時不如留番筆認購定存喺銀行等加息仲有彈性。

說到底,係咪要買iBOND,似乎要搞清楚幾個問題:

首先,你要問自己係咪信通脹會繼續升,所謂繼續升,唔係未來幾個月,而係中長期。

通脹預期呢個問題,如果信內地一套,通脹已經見頂,咁香港雖然稍為遲的反映,答案亦已經有!

未來整體物價走勢係點,當然無人知。但綜合之前各大行估計,通脹全年最高見百分之七之後,最遲年尾見頂。仲值唔值為抗通脹而買iBOND,值得思考。

從另個角度睇,iBOND雖然誠意可嘉,不過TIMING太差,當然亦符合政府一貫習慣!

另一個要考慮問題係四厘幾、五厘息率,係咪足夠抵消通脹? 首先,你認購,雖然手續費好多間話免收,但交易費用,未必慳唔到!

其次,亦係最大問題,買左通脹票據,極其量如果抵消到通脹,即係技術上夠抵消實質負利率個部份。但記著,你存款假設有五十萬,抽iBOND,極多俾你攞到五萬蚊,即係你銀行戶口,仲有四十五萬蚊存款,被通脹同負利率蠶食緊!!

iBOND利率按過往6個月通脹走勢而定,唔會大幅度比多你。

唔好忘記,通脹每個月都有,但ibond派息,每半年一次,更重要,亦引申出千萬唔好有錯覺,以為iBOND係風險低投資工具,因為iBOND根本唔屬於投資工
具,而骨子裡根本係向政府俾一筆會歸還既保護費,去買個通脹之下既心安理得。

而且,iBOND唔係免費午餐,完全唔涉及機會成本。如果你賭利率會升,信陳德霖既話,根本iBOND係唔會有吸引力。

香港,當前最大問題係通脹,但對中產嚟講,反而係資產價格通脹。用實質整體通脹水平,去彌補資產價格通脹問題,講唔過去?!

比其他市場慘,七百萬香港人對通脹都未夠,仲要應付埋港元實質貶值呢個問題。用港紙,鎖死三年買IBOND,調番轉,你信人仔升值好,其他貨幣唔會大跌,兼可以收息,其實仲有著數,況且年期唔使鎖三年。

聰明港人,早已經將港元存款分散,對沖貶值、同通脹風險,唔駛政府擔心。偉大特區,倒不如好好諗下點解決通脹主要源頭「聯系匯率」仲好!!

2 則留言:

魔術師 說...

我都做左個關於iBond的分析,歡迎指教。

man man 說...

这班高官到底明白不明白高房价对香港有什么伤害? 房子卖得贵, 卖房的人能多赚了, 但是呢些钱不是从天上掉下来, 不是从树上生出来的, 层层转嫁以后, 最后还是由用家来承担, 一般地说, 这些用家都是用部分工资来应付房子的负担的, 就是说, 用家的雇主就间接的, 部分的承担了卖房的人的利润,
问题在于, 在全球一体化的大环境之下, 工序, 职位可以越来越容易的往相对低成本, 高成本效益的地区外移, 换句话说, 部分雇主( 特别是大企业), 可以让香港员工先去培训内地的员工, 再删除香港的职位, 避免承担了卖房的人的丰厚利润.
从这个成本转嫁和竞争力的角度来看, 我们很容易就可以明白, 为什么美国人老是希望人民币升值, 为什么日本的经济近20年都缺乏起色................
刘皇发家族早前被报道在元朗YOHO TOWN炒卖多个单位, 获利数以千万, 另外李国宝在立法会申报里表示有几十个物业.........., 我想说一句, 这些人赚的钱, 有可能就等于香港雇员失去了等值的竞争力, 当高官在批评新一代不长进的时候, 他们有没有想过, 政府根本没有重视新一代, 甚至全香港的竞争力, 结果引起种种问题?