2011年9月9日星期五

宿命

匯豐星期三公布有史以來最大規模既裁員行動,估唔到事隔兩日,滙豐香港出現高層人事變動!

出任香港匯豐總裁只有一年時間,馬凱博對唔少香港人仲係一個陌生名字

匯豐公布,馬凱博會離任,下星期一生效,佢既職位就會由集團總經理馮婉媚接任。

信入面、馬凱博既上司,匯豐亞太區行政總裁王冬勝、只係提到馮婉媚係理想接任人選,但對馬凱博、就隻字不提。

馬凱博離開匯豐後、會出任貝萊德資產管理亞太區主管,佢係喺87年加入匯豐,先後擔任過資產管理同私人銀行業務主管,被認為係集團明日之星。

舊年最高層人事變動,歐智華接替紀勤出任集團行政總裁,當時馬凱博受命由歐洲調返本港。

四十四歲既馬凱博、而家負責匯豐香港日常營運,銀行喺星期三先公布裁員計劃,未來三年會裁減三千個職位、主要係後勤部門員工,亦係匯豐喺本港一百五十年來,最大規模既裁員行動。

金融時報話,馬凱博今次離職,對歐智華構成另一個挑戰,因為貝萊德作為全球最大基金公司,近年銳意轉型,希望將客戶層面由主權基金擴闊到私人銀行,特別係中國既市場,呢方面正係馬凱博既專長。

真係「反正豬肚就係X」?

更複雜既係,貝萊德正係匯豐最大單一股東。年初歐智華仲要專盛搵Blackrock 取經及交代策略日安排!

涉及咁高層既變動,加上時間上咁巧合,難免令人有所聯想,有學者都話,唔排除集團高層因為對裁員有爭拗,所以導致人事變動。

呢件事令我諗起當日馬凱博上司、現任亞太總裁王冬勝,當日身處渣打總裁、一樣係因為集團本港要裁員,結果當日又係憤而離職,但估唔事隔多年,同樣既事又再發生,只不過係身分逆轉!

不過高盛一樣派定心丸,話對匯豐有信心,原因係信歐智華會帶領匯豐回復浦偉士時代策略。包括定位清晰,審慎控制資本。

高盛相信,匯豐股本回報有機會上番一成半,而現水平股價已經反映業務無增長,估值太吸引喎!

1 則留言:

匿名 說...

man man
明報專訊】歐洲天文學家公布,發現太陽系以外迄今已知最有機會存在生命的行星。這行星名為HD85512b,質量為地球3.6倍,環繞距離地球35光年的船帆座一顆恆星運行,與恆星的距離相當於地球與太陽距離的四分一,估計行星溫度不會過於極端,令星球的水分可望維持於液體狀態,有機會孕育出外星生命。

乘着欧美日近年经济不行, 俄罗斯还不成气候, 中国应该尽快抢先在月球建立基地, 抢先为月球订立航天规则, 和其他采矿等规范, 要不将来由美国来做的话, 中国肯定要吃亏. 在月球发展的基地, 也可以作为探索火星和更远星球的中途补给站. 在太空竞争中提高竞争力, 长远效益无限.