迴施空間

第一季季度數據一出,令市場震驚之餘,更不解係市場點會咁反應?

預咗增速回落,但結果內地第一季經濟增長遠差過預期,首季經濟增長只係得百分之八點一,比舊年第四季、低零點八個百分點,係近三年最差。

不過無論中港股市都未有壞消息影響,港股下晝更愈升愈有。

大路解讀係經濟數據滯後,相反周四公布的逾萬億新增貸款先係領先指標。

況且經濟表現愈差,就愈有理由相信內地會加快微調。

仔細解讀數據,出口差之外、房地產投資疲弱都值得關注。

扣除價格因素,第一季房地產投資增速同比回落10點6個百分點。

早前世銀就警告過、房地產市場修正過度正係內地經濟最大下行風險之一。

不過情況唔係太悲觀,雖然首季固定資產投資佔GDP比重,由5成4降至3成3。

值得留意係同時消費就由舊年嘅5成急升至7成6,按比例,中國既消費規模甚至迫近最大經濟體美國!

華爾街日報話,咁正係反映結構轉型開始見成效,相信黎緊內需增長,可以抵銷投資同出口下跌嘅影響。

大行都認同,首季經濟增長見咗底,預期中央會放寬政策支持經濟。

最重要係總理溫家寶,亦首次用回旋空間,形容目前宏觀調控政策。

既然講到,要預留政策空間、把握經濟工作主動權,相信整體氣氛未來幾個星期會有顯注變化!

話說回來,阿爺安排數據出街時間原來都可以好高明: 試想下、如果今日先出GDP,之後下午先公布新增貸款,個市仲係咪可以咁樣?

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」