頭啖湯

只有四十五分鐘。

人行、英倫銀行歐央行聯手寬鬆，不過對環球股市的振奮，只有短短４５分鐘。


是反映力度不夠、抑或早已消化?

先說飲「頭啖湯」的人行。

原本預會再減存款準備金保經濟。

但人行出乎意料喺１個月內，第二度減息。

一年期存款利率減零點２５厘，減到去３厘水平。貸款利率就減零點３１厘，減到去６厘水平。

在下星期出一系列經濟數據前夕、出咁激招數，阿爺，只能說句五體投地, 真係估你唔到, 明明係諗著減ＲＲＲ, 你走來減息, 今次威晒啦.......

有內地學者話，人行唔減準備金率、而直接減息，相信係考慮到近日透過逆回購操作、令市場有充裕資金，減息可以更直接刺激經濟。

各個年期嘅貸款利率，統一減四分一厘，但２至５年期嘅存款息，至少減０．３５厘。

但對內銀來說，今次只能說真係「福佳鳥」.......

不對稱減息不特止，人行更宣佈，將金融機構貸款利率浮動區間嘅下限，由原本基准利率嘅０點８，調整到零點７倍。至於存款利率區間亦無調整。

只能嘆，內銀作為政策工具，最美好的日子已經過去，而家係時候要還.......

至於歐央行，今次減息四分一厘只能說是交到功課，市場反應亦充分說明已經反映價內，德拉吉需要的、其實是更進取的救市措施。

早在議息之前，已經有預測歐央行可以減息半厘，或索性再推LTRO或直接買債，總之是希望有更非常規措施出台。

可惜又是另一次事與願違。

其實不論經濟學人抑或金融時間的Martin Wolf，都一再呼籲環球央行應更勇敢些，在政治家無能及市場失效之時，應負起最後的責任，擺脫一些無謂卡鎖或批評。


再說那些什麼批評央行只識印銀紙的經濟師，說來說去只懂滿口狂言說應由經濟自行爆破。我敢說，真係有呢一日，銀行第一個就應炒左那些不事生產、毫無建樹的人........