2012年8月1日星期三

乞嚏



如果以為歐債危機只是歐洲問題,顯然有人是分析錯了。

歐洲公布的PMI 固然令人失望,但這不是市場早已消化了嗎?

真正的恐慌其實在亞洲!南韓台灣PMI 均跌至47左右,居然同德法睇齊。

更災難性的數據,其實是澳洲,七月PMI 大跌 6.9,跌至40左右水平,甚至遠差過很多歐豬國家。

作為資源豐厚國家,中國慨念的影子國,中國打個乞嚏都令經濟出現波動。

更甚係澳元不斷升值,令已經放緩的經濟更雪上加霜。

簡單講,就係好耐都無人再講的雙底衰退,其實已經活活呈現在大家眼前。

至於萬眾觸目的中國PMI,失望的是經歷減息、刺激投資,但第三季內地經濟仍然令人失望,官方數據顯示,製造業活動8個月嚟最慢,7月,採購經理指數報50點1,反映經濟貼近收縮邊沿,差過市場預期既50點3,比6月分,再回落0.1個百分點,已經連續3個月下跌。

其中新訂單同新出口訂單,仲係無起色,反映需求仍然疲弱,尤其係外需。

數醜樣仲有阿爺最關心的下崗人數。從業人員指數已連續兩個月喺50臨界點以下,表明制造業用工量繼續減少。

唔好話一面倒唱差,要值得留意嘅係,產成品庫存指數大幅回落4點3個百分點,反映製造商加快清理庫存,經濟師話,係好事。

大摩甚至認為,數字令人鼓舞,因為「去庫存」速度理想,反映經濟企穩之餘,仲積聚反彈動力。

還是瑞信陶冬說得好,見底但未回升,經濟仍然未有足夠回升動力。

對於人行放寬貨幣政策,陶冬是潑冷水,反而放鬆貨幣政策幫助唔大,原因係內地處於流動性陷阱,唔缺錢,只係投資意慾低。

因此中央要積極開放民間資本進入服務業同真正落實減稅,方向先係正確。

問題係,講左有近一年的政策,係咪真係可以盡快落實?

沒有留言: