另起爐灶

八月狂想好戲連場,星期二,全港甚至全球經歷經典羊群效應,一隻渣打,一隻思捷,盡顯地嶽與天堂之分。到今日,連反映市況好壞既重心指標,恒生指數都出事!

踏入下午尾市時段,恒指公司突然電郵一封,澄清指數報價問題。於是發現,路透,彭博,原來恒指高位跟實際有出入,報價機係二零零五二,但同開市全日高位,二零一八八明顯出入。至於經濟通國指報價亦有問題。

到底發生咩事?唔知,恒指公司只係話故障。到底全日既報價,實際有無出現過誤差?

都唔知。據部份外資大行經紀透露,收到有客戶查詢,係咪可以取消交易。

有經紀老行尊形容,事件重大,幸好客觀環境救番恒指公司一命。

首先,全日指數波幅唔大,對期指無影響,否則因為恒指報價出錯,影響期指,可以有排嘈。

第二,係熊仔證殺得七七八八,而近現價收回既牛證,數目係零。所以,恒指公司算係「死好命」。

問題係,電腦或技術事故,影響重大隨時構成危機。君不見,美國程式系統平台KNIGHT CAPITAL幾乎倒閉收場。

而近日,日股亦因為系統出事,導致衍生產品交易停頓,鬧出國際笑話一宗。

如果呢的係笑話,恒指公司近十年,雖然經常,亦幾乎係不停期製造故障。香港有幾次既恒指報價出事,當時係資訊發布商路透社故障。

但再經典一宗,係幾年前,恒指公司系統問題,近半個交易日未能更新計劃,還記得當日,恒指公司要每半小時,傳真用人手計算既指數報價。

中環人話,唔怕大鱷,唔怕大上落市,最怕係恒指公司總有重大故障遲早出現。

行內話,以往,由港交所發放資料,由恒指公司即時更新,計算指數,本來無事無幹。但近年,港交所系統強化,數據處理量增加,問題就喺呢度!!

做一個比譬,港交所同恒指公司,其實係透過兩條水喉聯接,從而傳送數據,發布指數。以往,兩條水喉面積差異不大,但依家,港交所的水喉面積容量倍增,恒指公司條水喉即時比下去。

情況就有如,液體由大水喉流往一條飲管一樣,後果會點?

恒指公司不止一次講過,會不斷強化系統,但進展點?不詳。市場擔心,由於交易所同指數公司科技投入同更新有異,一旦他日大成交,多股份異動,你說怎麼辦?

從呢方面諗,港交所伙拍滬深兩所合營項目,自行推出兩地有關指數產品,變相另起爐灶,係決斷更精明係造法!!!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」