強勢回歸


經過三周休假,默克爾今個星期結束休假,重返工作崗位。

預計佢星期三先會出訪加拿大,同總理哈珀會談。

不過更重要既工作,係點處理眼前執政聯盟黨派領袖嘅分歧,包括對央行購買歐元區國債、以及德國喺維繫歐元區嘅完整,要擔當乜嘢角色。

放假期間,歐央行總裁德拉吉開出「空頭支票」,市場仲係半信半疑之際,到底默克爾係咪支持歐央行喺市場買債拯救西班牙同意大利,成為左關鍵。

特別係德國央行行長魏德曼,公開同德拉吉決裂,默克爾點樣喺兩個央行行長中間斡旋,更考驗政治智慧。

國內,德國憲法法院喺下個月十二號、就永久嘅歐洲穩定機制ESM,有無違反德國憲法嘅裁決,一日無德國法院嘅拍板,ESM都唔可以啟動。

摩根士丹利話,相信德國憲法法院唔會阻難ESM,但可能附加條件,包括進行公投,令德國政府難以推展進一步整合。

就算喺憲法法院過關,結果同樣可能令默克爾面對兩難。

有研究機構估計,要承擔歐洲其他國家債務,德國最終需要承擔達五千億歐元既債務,已經佔左而家外債總額四成半。

至於另一個難題就係落喺希臘身上。總理薩馬拉斯上台後、仍然未能推動削債計劃。

「三頭馬車」包括歐盟、歐央行同國際貨幣基金組織、下月就會對財政改革發表報告。

默克爾內閣官員已經表明唔滿意進度,唔排除運用否決權,令希臘唔能夠獲得315億歐元貸款。

雖然前景仲係充滿不明朗,但基金經理已經唔敢再一面倒睇淡當地資產市場。

以宏觀經濟形勢做投資既對沖基金Macro Fund,六月分大幅減持對歐洲股市既空倉,由五月既百分之三點四,減至二點九,比例係09年以來最高。

之前我們都不斷提及,縱使兩年多來歐債危機總是揮之不去,不過要一面倒睇淡歐元,恐怕早已被挾死。

同樣,歐洲股市五月以來,反彈幅度超過一成,比起MSCI 環球指數跑贏一倍。

所以要驚的、就是歐洲不斷製造預期,令市場相信會有更多刺激政策陸續出台。

要沽空歐洲,恐怕真的不是一件易事。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」