2012年8月2日星期四

百分之九十九


之前被一致睇淡既歐洲業務力保不失,無論收益同經常性盈利都保持增長。

帶動和黃核心盈利有九十八億,增長一成三,好過預期。

綜觀期內集團所有主要業務,核心盈利EBIT都錄得增長,特別係港口同零售增幅有一成半同一成二,都好過晒市場預期。


就像沈大師所言,之前市場太過一面倒看淡和黃歐洲的業務,反而成為黑天鵝借口!


歐洲3G方面亦有同樣情況,EBIT係大幅增加百分之五十一,達到13億,幾乎無一個分析員可以預期到。


雖然ARPU 微跌,不過好像霍建寧所說,而家智能手機同平板的普及,更多人擁有多於一部Gadget,用的數據總量其實是有增無減。


歐洲3G收益保持喺近二百八十億,但不要忘記去年同期有意大利一次性的電訊開支回撥,所以實質表現是更加理想。


和黃更預期受惠英國同意大利、再度調低網絡間收費,對下半年盈利有正面影響。


目前唯一不明朗,是澳洲電信核心業務虧損擴大,不過和黃亦知道問題所在,表明是當地人已不接受品牌,所以預期下半年虧損會進一步增加。


不過逆向思維,既然知道問題所在,誠哥斷不會任由這個集團53個國家中,唯一虧損的市場繼續存在吧?

既然嬴了市場預期,李嘉誠滿有有信心,指旗下99%業務、未來幾年都會繼續有錢賺,派息亦可以有增無減。  

不要少看這99,恐怕全港千二間上市公司中,敢說這番豪言的,也沒有第二位!

既然已執靚了業績,李嘉誠自然想大展拳腳,話會留意更多併購機會,特別係會選擇性收購新既碼頭泊位。

業績交到功課,誠哥心情大靚,不過作為政治表態,誠哥卻是小心奕奕。


基本上對思歪的所有評論,佢都拒絕回應。


不過還是有些情況是漏了口風。好像以長實作為本港最大發展商,李嘉誠就話唔識新上任嘅發展局局長陳茂波!


至於公營房屋,誠哥亦言中帶骨,佢話贊成新政府起多啲公屋,至於居屋都應該起但就要小心同政策係咪有衝突。


看來首富對於新特首,即使口中有說大口解,但恐怕解不了的、是自己的心結。

沒有留言: