2012年8月8日星期三

高度反擊


破記錄既二千五百億美金協助洗黑錢金額。

渣打到底要罰幾多錢?

彭博報道,美國當局要求渣打罰款金額只係七億美元,同之前幾宗同類罪款比較,無疑最多。

但按涉及規違交易額2500億比例計,只有百分之零點28,創出新低。

由於太唔成比例,連美國有關方面都質疑紐約州當局今次行動。

負責調查既Lawsky「勞斯凱」備受指責,原來過去幾個月佢一直希望可以同其他機構聯手調查,但最終失去耐性,選擇自己出手

有美國前財政部官員指,以往六、七宗涉及外資銀行嘅調查都係多個部門共同進行,今次由成立短短十個月嘅紐約州金融局提出指控並唔尋常,懷疑佢地有心「搏出位」。

渣打其實一直有同美國聯邦政府層面既機關溝通,包括傾潛在賠償金額。

路透社引述知情人士話,美國財政部同聯儲局喺紐約州當局發表報告前毫不知情,報道指兩個美國最高監管機構覺得被隱瞞,同相當不滿,認為由一個州政府機關自行公開調查,係破壞規則,更影響美國當局同渣打商討賠償進度。

選擇還擊,渣打部署兵分兩路。

主席莊貝思負責去紐約聯絡當地法律顧問。話一定會抗爭到底。又指如果以為紐約當局有關洗黑錢既指控,會永久傷害到渣打,係大錯特錯。

至於同莊貝思一樣、縮短休假拆彈嘅行政總裁冼博德就話主動接觸倫敦金融服務局同制定緊下一步應對策略。

同過去銀行一般承認錯誤罰款了事唔同,渣打咁高調反擊,正係睇到二十七頁既報告,背後可能存在陰謀。

倫敦政界形容、今次事件係美國搞突襲,刻意針對英國銀行想紐約取代倫敦國際金融中心地位,因此首相同財相應該介入。

英國傳媒亦質疑、美國別有用心。每日電訊報提出渣打如果真係幫伊朗洗幾千億黑錢,應該唔介意參與埋操控拆息
事實係呢啲銀行醜聞渣打都冇分?反映佢地其實白過白紙!

沒有留言: