摧毀回報



Pantalakis
潘塔拉克斯上個月先辭任希臘國有銀行「希臘農業銀行」總裁既職位。

但原來佢喺銀行瀕臨賣盤前幾個月,將八百萬歐元既存款轉移到國外,購買左倫敦一項物業。

潘塔拉克斯重申自己並無違規進行交易,不過佢呢個做法就喺國內引起強烈批評,希臘長毛「Tsipras」公開評擊做法尤「搶劫」!

事實係過三年既歐債危機中,唔少希臘既富商、好似銀行家同航運巨子,都將財富轉移到倫敦購買物業,意圖避開因為希臘一旦脫離歐元區,自己既財富會大幅眨值。

要驚既其實何止希臘富豪,金融時報話,華爾街既金融機構,已經不斷向交易對手同貸款人施壓,要求佢地修改交易合約條款,保障本身利益。

最常用手法,係向衍生工具既交易對手要求,將合約既司法地區,改至倫敦或者係紐約法院,好處係一旦真係有國家脫離歐元區,咁呢啲合約可以保證銀行日後收回既資金,會繼續係歐元,而唔係希臘德拉克馬或者西班牙貨幣「比塞塔」。

為左令交易對手就範,銀行會威脅對手如果唔接受改變司法區,咁喺合約到期後就唔會再續約。

另一個手法係要求交易對手,改變抵押品既組合,減少受歐元一旦解體,銀行本身會承受既風險。

一啲曾經承受過沖擊既銀行好似係大摩、就大額減少持倉,部分對沖基金甚至拒絕再同希臘交易對手做交易。

現實係最新對沖基金調查顯示,專門吼實經濟周期、同政策決定嘅宏觀基金,始終睇唔通個市。

舊年歐債危機困擾下,平均要蝕百分之4,跑輸同期標普5百指數,百分之2嘅升幅。

到今年上半年,指數大幅反彈超過百分之9,宏觀基金都仲係蝕緊。

就算係全球最大對沖基金Bridgewater,旗下嘅宏觀基金舊年賺足3成6,今年都係得百分之2嘅升幅,同樣跑輸大市。

睇番戰績,宏觀基金08年金融海嘯時,曾經風光,亦因此吸引到投資者押注,由08年尾到今年第一季,呢類基金資產急升6成6,到超過4600億美元。

可惜基金表現交唔到功課,投資者耐性有限,到第二季,已經贖回35億美元嘅投資。

即使係管理緊80億美元、星級基金經理Louis Bacon都損手,第二季蝕左百分之3,上個星期仲索性,向投資者退還20億美元。

培根認衰,話發達國家負債纍纍,央行又出盡口術、兼出手干預,令市況升跌無常,宏觀基金根本捉唔到路,現市況需要嘅,反而係較細型、同靈活嘅基金。

其中,最無路可循嘅係匯市。

基金押注歐元暴跌,但歐元一直跌極唔落,大大影響基金盈利。

顯然好像開市埋位Jim 分析,投資市場經過全球央行積極介入下,已經撤底「摧毀回報」。

美國經濟數據星期五叫做有些反彈,令投資者暫時放底伯南克及德拉吉「你呃人」的失望,八月可望暫時風平浪靜一段時間,無需再經歷舊年的驚潯駭浪。

九月六日既有歐央行會議,今次可以說是一次定生死,之後十二號又有聯儲局同伯南克記招,到時又有一番風雨。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」