國家機密


由高精密復牌,到勒令停牌,繼而發生三年前擱置上市公司既核數師,都被算帳。

背後一條主線涉及四個字,「國家機密」是也!!

係巧合,定巧妙一切盡在不言中。

的確,國家機密一出,證監會,港交所有口難言。

誰不知,周松崗主席不能以機密為理由,拒交資料,簡單一段發言,原來已經為重頭戲埋下伏筆。

以為國金大戰遮打,誤以為放虎歸山。

中環人話,事後回想,可能係國遮合作一場壯觀劇本。

究其背後,正係以防盜高一呎,魔高一仗,俾不良份子利好國家機密檔箭牌,橫行霸道。

先係主動勒令「中國高精密」停牌,之後再搬出兩年前既個案,證監會再質疑上市公司同中介機構、以「國家機密」為理由,拒絕披露上市文件。

證監會指,安永未有應佢地要求,提供出任「標準水務」上市時既申報文件工作底稿,原因係安永指有關既會計文件、係屬於中國法例下可能屬於國家機密。

證監會質疑有關既理據,要求安永同佢地喺內地既合作夥伴「安永華明」交出文件。

今次係上星期證監會主動指令「中國高精密」停牌後,再次挑戰以國家機密為理由、拒絕披露資料,負責既正係啱啱續約三年既法規執行部執行董事施衛民。

熟識監管規則既人士話,證監會既聲明已經表明、佢地係取得中國證監會同意,要求安永提交資料,證監會係有理據展開法律程序。

但獨立評論員David Webb就擔心,由於問題觸及國家層次,對一國兩制做成真正考驗。

據了解,本港真正有涉及國家機密業務既上市公司唔多。

觸發國家機密資料既討論,係上星期被勒令停牌既中國高精密前核數師,曾經要求索取公司從事國家機密業務涉及既合約原文。但被拒。

接近監管機構消息指,鑑於近日外界相當關注中資上市公司會濫用呢個理由,故意唔披露資料,所以澄清當中灰色地帶,包括點先為之「國家機密」,同咩資料有權唔披露。

以美國為例,包括波音,通用電氣,洛歇馬丁等多間大型上市公司,都有承接美國國防部,甚至太空總署被介定為國家機密既訂單,呢的公司,一直按要求,向核數師提交合約局限於財務既資料、包括訂單金額,同銷售表現喺綜合報表內披露。但合約詳情就可以豁免。

美國證交會今年五月,亦向德勤上海公司提出強制訴訟,原因係德勤拒絕將一間喺美國上市既內地企業會計文件,交比證交會。

美國行先,香港跟尾,對象如一,就係核數師。

不同之處係,德勤被落案起訴,安永呢?就只係僅僅提交資料?

中環人對證記今次一八五行動,拍案叫絕,形容係本港證券市場史上首次釋法行動。

聰明之處在於,一,明知披露漏洞或被利用,與其等三,五,七年改例,法官定奪更為快捷。

二,國家凌架特區,方正無可能下令思歪上京陳情,主動交由香港法庭處理,日後就算內地置之不理,責任不在證記。

施衛民現代「武松」上身,今次決定,為之前有勇無謀批評還其清白。按證記頭四名最高薪員工,550至7百萬年薪不等。

幾百萬一年,平均每日最多萬9蚊,就為香港市場換嚟名聲,抵!! 相比之下,金融發展局,係咪物有所值呢?

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」