停滯


五月又話見底,六月又話見底,七月數據更差,依家又話見底,大行個別更勇字當頭,將全年內地增長目標上調,估計最多有百分之九。


如果用半年增長百分之七點八計,簡單一條算術,豈不是下半年增長會超過百分之十?算吧,政策憧憬既背後,其實就係幻想。


內地七月經濟數字點?簡單形容,好或差,相當尷尬。


但肯定,年中見底預期已經落空。工業生產數字只有百分之九點二,按月增長百分之零點六六,按年同按月都係連續兩個月內倒退。


唔少經濟師講過,工業生產增長不能保十,全年七點五至八經濟增長目標,有困難。!!


內地數據,永遠無人明解,要解讀、下判斷,憑感覺最實際。


睇淡,有理由,但堅持有改善,亦得!! 以外界經常參考既發電量為例,六月工業生產增長百分之九點五,發電量增長係零,但七月?


工業生產增長更差,發電量反而升百分之二,涉及電瓦更創出新高。


於是,你可以理解為,重工業生產改善左。更重要,去存貨加快之餘,仲賣到?點解,因為七月既工業生產及銷售比例有百分之九十八點二,係今年新高,簡單講,係貨,有人買!!


要支持經濟改善,通脹同工業品出廠價差距擴大,以及工業品投入成本價跌幅,大過出廠價,兩個現象亦可以發揮,作為企業利潤有改善證據,因為成本跌幅,大過製成產品跌幅,係咁簡單。

淡友要還擊!! 亦有大堆理由,通脹急速回落,就反映廠家提價空間受限制。而零售銷售數字,更係證明內地經濟前景有保留既最有力論點!!


百分之十三點一同百分之一點零五既按年同按月零售銷售增長,遜預期之餘,又係連續兩個月放緩。


人人話,內地富豪多,消費夠豪,錯啦。因為細項部份既多個消費品環節,增長轉差實在明顯。


以珠寶計,增長降至一成四,放緩超過五個百分點,汽車銷售增長更跌至今年最低。


四個字,財富效應。中環人話,若非內地樓市生猛,零售市道更差。中央兩難亦在於此,樓市救經濟,已經講明萬萬不能。


存款正利率擴大,有利資產市場價格控制,卻有違鼓勵信貸有效投放,因為實質借貸利率已經升至近九厘。


基於政策上自我綁死,餘下四個月,固定投資回頭路只此一條,從近日報道,地方政府既投資計劃規模,原來已經四萬億了!!!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」