錢，係會繼續來
資金持續流入本港，雖然喺股市度未見反映，但有留意美電走勢，會發現錢無停過入嚟。
金管局一日內兩度向市場注資，規模係０９年以來最高。
金管局先喺亞洲交易時段沽港元，買美元，向銀行體系注入６２億港元，到歐洲時段再注入多５８億，令全日注資規模突破一百二十億，到星期四，銀行體系結餘會突破２２００億。
星期一先預計熱錢流入規模無零八零九年咁多，但一日之後，金管局單日注資規模就去到０９年11月嚟最高。
單係亞洲同歐洲時段既「兩度」注資，規模已經突破一百二十億，係零九年十一月以來、單日最大額注資。而港元喺歐洲時段，買賣雙方叫價都高過強方兌換保證，交易員承認，情況罕見，但應該無承過價。
銀行界直指，經結餘流入資金又再多番，除左有股票錢之外，好大程度係年尾商業買盤需求帶動。
十月ＱＥ３以來，金管局多次接美金沽盤，累積已經向市場最少注入超過七百億元。
現水平結餘突破２２００億。零九年，結餘大幅增加，金管局曾經透過增發外匯基金票據抽走結餘，但羅家聰話，貨幣基礎不變既大前題下，資金繼續氾濫，抽結餘完全無效。
有財資界人士更形容，市場基本上無人買美金，連人行都要喺內地大手干預，由於港元買入指示盤，幾乎全部擺喺7.75齊頭，估計金管局最少到年底，都會繼續接錢，成為美元唯一買家。
呼應文首、星期一陳德霖先話，流入既資金規模唔會好似０８０９年咁多，點知話口未完，
單日流入資金就已經去到０９年以來最高。
唔知陳總裁會點畫？
Norman 大可以學思歪咁講，話自己「無講過無資金流入」，答０８０９年只係回應當時嘅問題啫!
但問題係，信佢講資金會走會走、但講咗四年都未走、而家仲要嚟多啲添!
點信呀?
留言