雄霸華爾街

一二年十二月二十日，紐約交易所一班老出市代表，係一個殊不好受既日子。

佢地怕，新主ICE洲際交易所會大事革新，取消交易大堂，甚至大規模裁員，亦驚紐約華爾街從此變天，總之就大事不妙!!

的確，以往州際交易所每次收購，都山盟海誓大堆保證，但ICE呢三個英文字，全球金融界都知係代表言而無信，事關佢每次應承，最後例必反口，所以今次索性三箴其口。

交易員驚係有道理，ICE進取既作風，咩都會做得出。

金融時報可能玩弄幽默，認為由於交易大堂公開喊價已經係全球歷史遺跡、既然所餘無幾，以ICE恨錢既程度，就算轉售每日交易大堂既場內直播版權，另外再賣片段，已經夠撈一定油水，故此ICE未必會取締公開喊價。

講真，交易大堂既交易未必有利可圖，但太多增值業務涉及，其實搵到錢。以簡單一個電視直室播劏房計，呎租貴過IFC，無講大話!!

十年歷史既ICE，買二百二十年歷史既紐約交易所，有人戲言係經典既戀母狂。

ICE其實舊年老早就聯同納斯達克交易所向對方動手，但因為監管機構不批，結果擱置。

佢地睇中的咩？對唔著，一定唔係股市，事關你同美國人講要經NYSE做股票買賣，對方實笑你。

以佢地得兩成市場佔有率，據講無咁多添，根本就不成氣候。ICE睇中，其實係紐約交易所控股公司泛歐交易所既衍生產品業務。

可憐既係紐約交易所，幾年前先易手於歐洲股東之下，現在回歸美國人控制，促成佢地再次成為人球，原因又同香港有關!!

你睇香港幾把閉!!!

華爾街日報披露，紐約交易所下嫁於泛歐旗下，有結算功能，但無業務改善，九月份開始，紐約泛歐展開內部討論，結論係NYSE不消數年，會步入日落黃昏，毫無前景可言。

適逄內部認為，港交所高價收購LME，係釋放紐約交易所價值最佳時機，結果就咁同ICE一拍即合。

ICE係一匹野馬，管理層猶如清兵，心口有個勇字，英國佬唔鐘意呢種性格，令佢地就算同香港出價均等，收購LME亦都落空。

但憑呢種進取特性，佢地十年間，由一個小型電子交易平台，同賣橙汁期貨，依家成為全球第四大交易所巨無霸。

中環人話，ICE並非善男信女，佢地除左形象欠佳之外，其實視野廣闊，對全球金融市場局中局掌握在手。

所以稍為留意，佢地三項核心業務就係結算，商品，同衍生產品，已經變相話俾大家知，股票無得做。

如果以結算平台計，佢地完成收購後有利率，定息產品，自己本身擁有能源，商品以及炭排放權結算系統。

從好方面諗，日後佢地有機會玩曬，但另一角度睇，眾多產品集中一個交易所品牌，萬一系統三長兩短，其實進一步加劇全球市場交易風險。

二百幾年歷史既紐約交易所易手，其實更盡顯資本主義背後用完即棄既象徵，紐約交易所確實大勢已去也。

ICE橫向發展暫時成功，某程度上亦暫時確認港交所既策略，係國際交易所發展趨勢，今次又被小加威多一次。