秋後算帳

為2012年作結，很多時我們傾向以結果來衡量預測過程。

舉例來說﹐在2011年年底﹐商品大王Jim Rogers就對前景擔心得不得了。

佢認為應要沽空全世界的股市。

結果......也不用多說。

當時羅杰斯說﹐新興市場同歐洲都經歷不少困難。結果新興市場型基金 ETF今年上漲14.7%，德國股市升幅更達三成。

但羅杰斯不同意自己"預測錯誤"的判斷。

我們也不同意這種「秋後算帳」，至少看來羅杰斯是前後一致。他對2013年仍堅持悲觀預測。11月9日接受CNN採訪時﹐他說未來兩年大多數金融市場都將經歷動盪和麻煩。

做分析預測，往往看的是基本因素，2012年年初，幾乎無不估計「Grexit」，即是希臘肯定一致預期要脫離歐元區。

同樣，2012年年中，說中國硬著陸，相信的、大有人在。

好像黃金戰士潘國光所言，做推測時只能靠自己手頭資料作分析、做研究，當時認為是基本因素轉壞，不知道，就是中央銀行可以如此明目張膽救市己矣。

投資１０１首個戒條不是說，不要與央行對著幹？

反而一個克魯明、就引起更多爭議話題。

經濟學界幾年嚟一直有個話題，就係諾貝爾經濟學獎。

佢地論盡各得主，幾乎一致認為，最意外獲獎，又最不實至名歸既得獎人係克魯明!!

美國媒體對克魯明不單止越嚟越唔重視，仲群起攻之。

看美國多份大報，主流財經媒體，只係稱克氏為專欄作家，美國人對佢既地位認同有幾高，已經盡在不言中。

電視主播報章撰文彈佢，經濟專欄寫手反駁佢。

鬧爆克魯明，最先起因係佢個幾月前，振振有詞話財赤懸崖毋須理會，否則被用作借口落實加稅，美國經濟從此完蛋。

克魯明為凱思斯主義復辟意圖明顯，但四年幾前，佢仲為過奧巴馬拉票，依家反轉豬肚倒米，先激起首輪批鬥魯明潮!!

克魯明眼中，債台高築絕非問題，美國缺乏增長動力，至係最大問題。

或者大家可能唔記得，克魯明當年研究新興市場，撰寫有關亞洲金融風暴既連載文章，當年佢正正提到，危機既形成，背後就係大量債務造成!!!

如果克氏今日既判斷正確，或者佢要收回十幾年前既分析!!

財赤懸崖言論惹火之外，克魯明不旦無檢點，反過來火上加油，四處撥火頭，最近一堆新火頭係專欄之中，公然否定無限量寬會引發通脹。

結果批鬥魯明潮亦正式啟動第二波。

有經濟專欄寫手更索性問道：「魯明，你懂得怎麼是奧國學派嗎？」

無疑，物價唔升，就算不斷印鈔，數字上可以堅持沒有通脹。但所謂通脹定義，奧國學派根本論據就係，貨幣供應增加，一定係通脹潛在成因。

所以，對佢地嚟講，通脹唔止係PRICE INFLATION，仲包括埋MONEY SUPPLY INFLATION。

純因結論有變就指責預測不當並不要得，但前言不對後語，理論觀點自我矛盾亦令人啼笑皆非。

克魯明正職係經濟學者，或者佢係時候做回本份，十幾年既專欄作者生涯，可能佢已經走火入魔。