2012年12月28日星期五

日圓貨幣戰


大約一個月前,英倫銀行行長默文金真情對話,揚言明年大事不妙,貨幣戰爭勢將爆發。

當時,大家覺得係老人家吹水,誰不知,成為最快兌現既預言。

被形容為近年日本政壇最成功人為影響匯市,未上任已經先向央行施壓、再提出日圓具體目標,甚至話唔需要理會政府既債務上限。

安倍晉三患上貨幣貶值瘋狂症,一時間佢成為全球貨幣走勢預測最準既人物。

日圓貶值似乎大勢已成,評論同媒體已經認定,所謂貨幣戰,已經爆發。

彭博同華爾街日報觀點截然不同,前者話,區內貨幣已經馬首是瞻於中國,反之華爾街日報唔排除,區內貨幣會鬥貶!!

中環人話,依家暫時處於日圓貶值既密月期,真章未見。

舉個例,日圓兌美金九月底以嚟貶值近一成,但美國同日本兩年期債息差,僅僅擴闊二點子,到十七點子。

即係,市場根本未有真正反應!!!

對沖基金絕對唔傻,佢地單邊大手造淡日圓可能有一定把握,如果假設日圓已經確認貶值,咩位唔知,但區內貨幣有無誘因貶?似乎值得探討!!

的確,傳統想法係維持出口競爭力,貶係必然。但區內經濟體有另一個考慮,就係本身外資持有債務既水平。

九七,九八亞洲金融風暴,外資持有債務比重多之餘,因為貨幣跌,資金急速外流,終於出事。依家,無論南韓、印尼、甚至中國,外資持有債務比重還較當年多,如果跟日本癲,人貶兩成,你又貶兩成,屆時資金就有可能外流,導致出現CAPITAL FLIGHT!!!

況且,干預阻止升值,區內央行經驗豐富,但實效有限,反過來更浪廢儲備。同一時間,區內新形勢係,南韓同中國眼中,日圓等同「日本遊船」遲早完,佢地亦受夠美國也文也武,中,韓之間,唔排除更有誘因,提升本國貨幣地位,盡快填補日本缺口。

的確,中國怕出口競爭力受影響,但今年幾難捱,我國貨幣照升可也。西方媒體或者高估貨幣對中國外貿影響,如果留意,中國同鄰國通通可以人民幣結算,同伊朗更以物易物,日圓貶值,對陳德銘嚟講,WHO CARE?

人仔升值,更叫人意外係,臨近年底資本帳開放頻頻。

前海項目從來無需要認真,極其量只係城鎮化既一種,但前海製造一個跨境人民幣業務,資本帳開放既借口,亦變相令振英特首如獲送大禮!!

咩係前海企業,其實任內地點介定。目前,內地官方借貸指標利率近六厘,相反香港,人仔定存三厘成本,俾盡銀行賺兩厘息差,香港人民幣利率仍然較低,內地企業在港人民幣貸款需求,幾乎肯定存在。

跨境貸款之門打開,中環人估計,下年內地會全速推行人民幣計價股票,以及商品,尤其係後者,可以好快發生,到時內地一個上海,大連,香港一個亞洲LME,匯控屆宏斌之前推測,實際時間上或者來得更快!!!

近日,的確有銀行界話,本地銀行將過剩港元頭寸,兌換人民幣。而目前五千多億人民幣存款,技術上並唔及格,支持更多人民幣業務。

銀行由最初厘半,到依家三厘爭人民幣存款,陳老總不如效法當年,暫時為人民幣業務設定利率協議,讓銀行好好辦事!!

沒有留言: