執到寶
一個配股、一個私有化消息，再次掀起市場新一輪尋寶。
國浩開市前表明私有化、當一眾銀行分析員四處打聽是否與敵意收購東亞有關，冷不防東亞傍晚就引入三井住友做第三大股東。
一切就似跟足劇本一樣發展，東亞引入三井，一方面可以免卻供股，同時有足夠資本滿足Basel III。
更重要、表明比國浩聽，我有能力不斷攤薄你! 想敵意收購，Dr. Li 話 No Way啦!
不過國浩也非泛泛之輩，看幾年前一次過賣出道亨比星展，將自己變成現金牛就可見一班!
股壇多怪杰，投資界亦高手輩出。媒體有高曝光率，往往可能名不符實，因為高手特性之一，既係低調，甚至隱型。
郭令燦好多人熟，亦好多人唔識。但大馬以至星州，邊個唔識佢大名。佢旗下國浩，上市編號零零五三，決定私有化。
中環人聽畢個個議論紛紛，到底呢位大馬高人搞邊科？
國浩近年盛名，沿於佢多次增持東亞，又似敵意，亦似善意，簡單講，無人知佢地想點!!
以國浩持股量，以及多次平均增持價計，部份帳面有蝕。以郭令燦本性，點會蝕沽。
所以，斷估私有化同東亞一仗意興闌珊無關，至於係咪預留後路再大手增持，答案亦無人知!!
講番國浩，證券界幾乎無人跟，但無人跟唔代表「豆泥」。花旗八月底時計算，國浩每股資產值高達１３１．８，折讓高達四成七。
試問，當炒既內房，甚至收租股，如果賣點仍然係折讓，併埋國浩，佢地算老幾？
郭令燦，郭令海老謀深算，經佢諗過度過，當然係有數得計。無疑，以停牌前作價既市值計，私有化涉及可能七十多億，但現時環境，大馬郭氏兄弟點會真金白銀用幾十億私有化？
計吓數!!!國浩停牌前七十個半，要私有化，溢價一定要有。肯定郭令燦唔會蠢到用到每股資產值價錢提出私有化。但剛提過，既然現價折讓四成七，只要郭令燦將私有化價，定喺較資產值折讓兩成，即係大約一百零五個四既價錢，好簡單，私有化價已經較停牌前有溢價近五成，極吸引!!!
再者，較資產值兩成折讓，比其他綜合企業股，折讓幅度亦相當之低，街貨兩成幾既股東，幾乎肯定當執到寶!!!
當然，一百零五個四呢個數字純粹係假設，用呢個價錢計，私有化涉及金額更加高達八十七億五千萬港元。
但同一時間，由於郭令燦手持近二億五千萬股，佢帳面盈利即刻有八十六億，扣除剛才講既代價，郭令燦其實只需要用一億五千萬港元，就買到市值二百三十幾億既野。似乎，執到寶，應該係佢!!!
更何況，國浩真正價值不止二百幾億，撇除其他業務，旗下佢地持有單係友邦，每股值最少十二蚊，而東亞持股量，相當於國浩每股廿七個四左右，另外，國浩每股仲有十二個半係現金，條數點計，郭令燦都有著數!!
正如之前既假設，一億成本，將集團全部東西據為己有，一億，買一百個車位都唔夠!!
郭令燦淡出香港與否，無人知。如果嚟個總結，近幾十年，星馬過江龍可以勾起股壇多番回憶，好事憾事俱無盡。
陳松青，大家知咩事？信和黃氏家族由摸頂王，變為磚頭股五強，香植球又名股壇大俠、糖王當年為幅地，收購電視企業，幾乎同邵蛇反面。
相比之下，郭令燦未算係武林強者，但十二年前佢帳面值四點五倍賣道亨，怕且呢世都無破呢個記錄。就算小如一隻陳昌國際，早排兩個六大手減持價，計嚟計去點都高過咁多年增持價。國浩小股東，今次對手，係一個超級數佬!!!
國浩開市前表明私有化、當一眾銀行分析員四處打聽是否與敵意收購東亞有關，冷不防東亞傍晚就引入三井住友做第三大股東。
一切就似跟足劇本一樣發展，東亞引入三井，一方面可以免卻供股，同時有足夠資本滿足Basel III。
更重要、表明比國浩聽，我有能力不斷攤薄你! 想敵意收購，Dr. Li 話 No Way啦!
不過國浩也非泛泛之輩，看幾年前一次過賣出道亨比星展，將自己變成現金牛就可見一班!
股壇多怪杰，投資界亦高手輩出。媒體有高曝光率，往往可能名不符實，因為高手特性之一，既係低調，甚至隱型。
郭令燦好多人熟，亦好多人唔識。但大馬以至星州，邊個唔識佢大名。佢旗下國浩，上市編號零零五三，決定私有化。
中環人聽畢個個議論紛紛，到底呢位大馬高人搞邊科？
國浩近年盛名，沿於佢多次增持東亞，又似敵意，亦似善意，簡單講，無人知佢地想點!!
以國浩持股量，以及多次平均增持價計，部份帳面有蝕。以郭令燦本性，點會蝕沽。
所以，斷估私有化同東亞一仗意興闌珊無關，至於係咪預留後路再大手增持，答案亦無人知!!
講番國浩，證券界幾乎無人跟，但無人跟唔代表「豆泥」。花旗八月底時計算，國浩每股資產值高達１３１．８，折讓高達四成七。
試問，當炒既內房，甚至收租股，如果賣點仍然係折讓，併埋國浩，佢地算老幾？
郭令燦，郭令海老謀深算，經佢諗過度過，當然係有數得計。無疑，以停牌前作價既市值計，私有化涉及可能七十多億，但現時環境，大馬郭氏兄弟點會真金白銀用幾十億私有化？
計吓數!!!國浩停牌前七十個半，要私有化，溢價一定要有。肯定郭令燦唔會蠢到用到每股資產值價錢提出私有化。但剛提過，既然現價折讓四成七，只要郭令燦將私有化價，定喺較資產值折讓兩成，即係大約一百零五個四既價錢，好簡單，私有化價已經較停牌前有溢價近五成，極吸引!!!
再者，較資產值兩成折讓，比其他綜合企業股，折讓幅度亦相當之低，街貨兩成幾既股東，幾乎肯定當執到寶!!!
當然，一百零五個四呢個數字純粹係假設，用呢個價錢計，私有化涉及金額更加高達八十七億五千萬港元。
但同一時間，由於郭令燦手持近二億五千萬股，佢帳面盈利即刻有八十六億，扣除剛才講既代價，郭令燦其實只需要用一億五千萬港元，就買到市值二百三十幾億既野。似乎，執到寶，應該係佢!!!
更何況，國浩真正價值不止二百幾億，撇除其他業務，旗下佢地持有單係友邦，每股值最少十二蚊，而東亞持股量，相當於國浩每股廿七個四左右，另外，國浩每股仲有十二個半係現金，條數點計，郭令燦都有著數!!
正如之前既假設，一億成本，將集團全部東西據為己有，一億，買一百個車位都唔夠!!
郭令燦淡出香港與否，無人知。如果嚟個總結，近幾十年，星馬過江龍可以勾起股壇多番回憶，好事憾事俱無盡。
陳松青，大家知咩事？信和黃氏家族由摸頂王，變為磚頭股五強，香植球又名股壇大俠、糖王當年為幅地，收購電視企業，幾乎同邵蛇反面。
相比之下，郭令燦未算係武林強者，但十二年前佢帳面值四點五倍賣道亨，怕且呢世都無破呢個記錄。就算小如一隻陳昌國際，早排兩個六大手減持價，計嚟計去點都高過咁多年增持價。國浩小股東，今次對手，係一個超級數佬!!!
留言