加息
今次銀行加息，簡單講，係金管局陳總裁迫出來!
滙豐表明，加按息係考慮到現時按揭市場情況、和營運環境變化，認為有需要調整新造按揭息率，加強銀行風險管理。
大銀行率先出手加息，之前傳咗成個星期，而家第一步，新造按揭息口，加四分之一厘。
計下數，假設每一百萬嘅按揭貸款，供二十年期，最高三厘四咁計，每個月供款５７４８蚊，比之前供多１２７蚊，供多２％，表面睇好似唔係大數目。
不過要知道，可能唔只加一次咁簡單，因為自從金管局上調風險加權比率之後，銀行嘅資本成本提高咗，加息係勢在必行，有按揭代理都預期，按揭息口有趨勢仲會再調高，亦開始有銀行收緊咗按揭審批。
代理指，加息、直接加重市民買樓成本，而家最唔明朗嘅、係一旦各大銀行一連串咁加上去，係會令市況冷上加冷。
因為之前政府連環出招壓抑樓市以嚟，成交已經大減，過去一個星期為例，全港35個大型屋苑，只係得30宗成交，仲少過 03年沙士爆發之後嘅低位，証明而家個市相當淡靜。
至於樓價係咪終於要跌?
有發展商預期，今次加按息幅度輕微，加上利率仍屬偏低水平，預期不會對樓市及發展商推盤做成影響。
確實喎，何文田豪宅地、同東涌商業地開標，雖然銀行早就事先張揚會加息，加上政府再出辣招似乎無影響發展商部署，其中何文田地皮由嘉里以１１６億幾中標，樓面地價過萬元。
出價進取，除咗係市區罕有大型地皮，可建樓面有百一萬方呎，無限呎或限量要求，亦造就發展豪宅。
發展商對商業地需求一樣大，遠至東涌的商業地，上星期收到９分標書，有啲打算發展酒店、有啲就打算做商場，最終由同區商場東薈城的五大發展商，即係太古、新地、恒地、新世界同恒隆組成的財團中標地價２３億幾，遠高過市場預期上限４成，每呎樓面地價４千３百幾元。
似乎商業地有價，呢個現況暫時無變，又沽且看政府幾時會出手!
滙豐表明，加按息係考慮到現時按揭市場情況、和營運環境變化，認為有需要調整新造按揭息率，加強銀行風險管理。
大銀行率先出手加息，之前傳咗成個星期，而家第一步，新造按揭息口，加四分之一厘。
計下數，假設每一百萬嘅按揭貸款，供二十年期，最高三厘四咁計，每個月供款５７４８蚊，比之前供多１２７蚊，供多２％，表面睇好似唔係大數目。
不過要知道，可能唔只加一次咁簡單，因為自從金管局上調風險加權比率之後，銀行嘅資本成本提高咗，加息係勢在必行，有按揭代理都預期，按揭息口有趨勢仲會再調高，亦開始有銀行收緊咗按揭審批。
代理指，加息、直接加重市民買樓成本，而家最唔明朗嘅、係一旦各大銀行一連串咁加上去，係會令市況冷上加冷。
因為之前政府連環出招壓抑樓市以嚟，成交已經大減，過去一個星期為例，全港35個大型屋苑，只係得30宗成交，仲少過 03年沙士爆發之後嘅低位，証明而家個市相當淡靜。
至於樓價係咪終於要跌?
有發展商預期，今次加按息幅度輕微，加上利率仍屬偏低水平，預期不會對樓市及發展商推盤做成影響。
確實喎，何文田豪宅地、同東涌商業地開標，雖然銀行早就事先張揚會加息，加上政府再出辣招似乎無影響發展商部署，其中何文田地皮由嘉里以１１６億幾中標，樓面地價過萬元。
出價進取，除咗係市區罕有大型地皮，可建樓面有百一萬方呎，無限呎或限量要求，亦造就發展豪宅。
發展商對商業地需求一樣大，遠至東涌的商業地，上星期收到９分標書，有啲打算發展酒店、有啲就打算做商場，最終由同區商場東薈城的五大發展商，即係太古、新地、恒地、新世界同恒隆組成的財團中標地價２３億幾，遠高過市場預期上限４成，每呎樓面地價４千３百幾元。
似乎商業地有價，呢個現況暫時無變，又沽且看政府幾時會出手!
留言