亞洲走資


無論法巴,里昂,花旗,大和,都不約而同指,美國退市之日,香港玩完之時。

此話聽落危言聳聽,實際言之成理。

好成日總有盡頭一日,居安要思危,尤其係外圍山雨欲來。雖然,梁副局堅稱,未有資金大規模外流,但環看區內近日,走資情況明顯,印度貨幣新低,泰、菲、印尼越快樂、越墜落,股市跌4-5%,貨幣眨值幅度更非常顯注。

就連離岸人仔亦顯著向下,香江細少市場,豈可置身事外?

風水佬可以呃你十年八年,部份評論早一陣子,見港股稍一反彈,美電稍為回落,就振振有詞話資金流入。

事後擺明,信者,哈利路亞!!!!

港匯高低,同港股升跌,其實絕不構成直接關係,即係港紙升,港股可以跌。

以今個月為例,港元升跌與否,港股依然跌者居多。同樣,港元升,亦不代表資金流入炒股。

好簡單,外圍不穩,香港作為亞太資金總部之一,客戶沽外圍股市,將套現所得,兌回本幣,即係港元,肯定港匯因為需求因素而上升,但絕對不能將班資回港,視作為資金流入既一種。

還有,如果市場緊張,港元資金緊,港匯亦會升。

所以,人講野可以聽,但Don't be Navie!!

肯定,可能市場充斥太多術士,到個市真係大跌一刻,先曉話股市轉勢,呢的或者叫Momentum Commentator。

佢地話,無錢走,因為港匯強,拆息低,但忽略過往大量結餘累積既因素。

如果睇另一個指標,外匯基金既外幣資產總額,數字一多,十居奇九就代表有錢入。

但睇下金管局數字,其實自從今年一月份開始,外匯基金外幣資產,一直未升過!!

資金流向劇變,觸發點固然係存在好一段時間既資產價格Mispricing,更大導火線,就係美國潛退市。

金記旗下貨幣發行委員會,最近一次會議亦提及,債息一升,隨時會引發大規模資金逆轉,令利率,資產價格可以有相當大變化!!

美息,包括係債息一升,美、港息差擴闊 ,資金有誘因離港套息。睇睇一的數,目前有三條A既部份市場債息同美國比較,新加坡較美國低十四點子,德國低六十,香港就比美國同期十年債息低七十點子以上,係同美息差距最大之一既市場,咁有意欲外流掛!!

大和一直認為,香港市場會行先死先,因為既係QE最大受惠人,亦會係退市最大輸家。

佢地指,過去幾年,千三億美元因為量寬流入,帶來的信貸增長,比這個數字多超過一倍,令香港陷入典型的信貸泡沫。

大和形容美國退市,根本就是對所有亞洲投資者,「追收孖展」。

佢地無估會外流幾多。但如果睇雷曼爆煲前,同依家香港既貨幣基礎比較,相差九千億港元。即係,一切回復QE前正常的話,技術上或數字上,九千多億就會跟我們說Good Bye!!!

上述呢個外流情況,可能會慢慢出現,又或者永世唔會發生,但都夠你有排驚!!!

觀乎估值,港股市盈率已跌至10.3倍,比12.6倍的五年平均數,甚至全球股市的13.7倍都要低。

技術上,港股雖然接近超賣,但野村指走勢仍然欠佳,後市不排除下試21000點。

法巴策略報告指,美國經濟好轉、利息上升,但區內國家經常帳開始出現赤字,企業盈利欠佳,股市要反彈可能遙遙無期。

金融時報總結,話港股成為美國貨幣政策下、失去自主的奴隸,鎖住我們的,似乎要歸咎聯繫匯率!!!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」