底線

下星期內地公布第二季經濟增長，市場共識已經下調至7.5%，即是國家今年經濟增長目標。

不過原來這個並非底線。

新華社早前報道，有份出席中美戰略與經濟對話的中國財長樓繼偉對記者表示，內地預期今年經濟增長是7%。

他說上半年經濟增長，會稍低於第一季的7.7%，但毫無疑問中國可以達到增長目標，又強調7%不應該視為底線。

不過時隔12小時，新華社卻罕有發出更正聲明，稱樓繼偉所說並非7%，而是7.5%。

要知道，由新華社報道有關高層次官員言論，要作出更正是史無前例。何況，樓繼偉是連續兩次說出7%，因此硬說要發錯言恐怕難令人置信。

可以想像，必然是有人試水溫後，發現市場未必能接受咁大幅轉變，因此要收回言論。

話說回來，今次將官方經濟增長目標，降至7%，彭博更引述樓繼偉話即使增長放緩至6.5%或7%，都不會做成大問題。

早一日，兩地股市先因為總理李克強，表明要為經濟增長及失業率定下底線。

其實關鍵係，到底「底線」喺邊？

留意今年三月，上一任總理溫家寶仲係講緊今年經濟增長目標是7.5%。

到五月分，李克強亦都表明由而家到2020年, 經濟要爭取平均每年7.5%增長, 所以今次樓繼偉言論, 令市場相信現屆政府, 已經接受內地經濟以較低增長速度, 嚟換取優先進行結構改革。

下星期一內地就會出第二季經濟數據, 樓繼偉嘅一番言論會唔會係有咩暗示, 正是叫市場唔好有太高期望?

講番市場超級焦點，下星期一內地數據。七點五，肯定NO。街外分析中位數介乎七點三至四左右。陰謀論更指，以內地目前情況，兼且突然跑出暴力哥現象，在在證明，第二季增長可能比想象之中更加之差。

樓繼偉對市場有貢獻，佢首次提到，增長目標其實係七，更首次被引述，底線其實六點五。換句說話，國產刺激政策，入場門檻極高。如是者，再次證明，如克強指數計算係實際經濟表現，原來先係中央真正指標。

最後值得一提是中美兩國今次聯手合作的大亂象劇本。

中美故事，意識形態不盡不同，但背後其實係利字當頭，中國口是心非，驚美國急殺車，大收緊。美國亦對內地經濟走弱，怕得要命。亦因為呢兩個前題，大家其實可以走在一起。

德銀報告話，中國經濟差，最少廿六間標普巨企受影響，大摩，野村認為，美國一收水，中國就首當其衝。

剛才提到，默契重重，有留意的話，打重加洲莊園奧、習會之後，兩國對全球金融市場一收一緊，異常精彩。

莊園會後，美國即時打出減少買債牌，中國就製造自家拆息風暴，呢一回合，股市大跌，但美元，人仔勢更強，對全球大環球金融市場而言, 左

顧美國，右看中國正式確立。

剛剛星期四，中美又來新一輪合作出牌，今次，伯南克做好人，樓繼偉後備上陣，做衰人。

好多人唔明，美國要玩金融牌，犯不著要預你中國，美國分析界其實有留意，就係美日關係，結論係安倍太激太進取。

而中國專家曾經私底下提出過，美國需要中國係事實，但中國需要美國，更係必然，尤其係經濟改革，人民幣國際化，金融業革新等，必需要美國支持，並且協助，而協助定義大致係，唔搞事。