2013年8月1日星期四

主席報告書


長和業績,誠哥不見我們了。唔想講,唔代表我地唔想聽,事實係更加想!!!

別無他選,唯有從誠哥一直強調既CHAIRMAN STATMENT,字裡行間,如同捕捉聯儲局會後聲明變化一樣,試圖拆解,就且嘗試替他當一次隱形超人!!

過去半年, 集團業務受到不少沖擊, 先有貨櫃碼頭工潮、拆售雍澄軒單位又被證監會叫停、最近更因可能出售百佳, 引來撤資憂慮。

今年三四月的碼頭工潮, 的確打擊本港港口業務, 成為各地之中, 吞吐量唯一倒退地區。

和黃業績報告就明確指出, 與第二季發生的工業行動有關, 拖低葵青貨櫃碼頭的處理量, 而能源及勞工成本增加, 亦拖低港口業務的利潤水平。

樓市個個都關心,翻查一一年全年業績起,唔計今次既三份主席聲明,超人預示樓市前景,非則用上「維持穩健」、就係「平穩」或「健康發展」,去年年底更提及建築成本上升,實質需求持續等等因素。

簡而言之,截至今年三月廿六日為止,李生對樓市係樂觀。

但根據最新一份長實主席聲明,談及樓價後市,卻僅用上四十六字,剔除健康、平穩發展有關前膽性字眼,建築成本,實質需求亦不再提,繼續保留係樓市發展取決房屋政策,並新加入:「集團將配合市況,及房策發展,推展本港地產業務」。

今次簡單講,樓市會點,李先似乎暗示,佢都唔知。但點定義配合房策發展,令人細味!!

前景方面,李先整體一如既往,認為既有風險,但相比三月份預料全球經濟今年將缺乏明確方向,誠哥半年後今日,似乎相對睇好,形容前景字眼上,徹底改成:「如無不利事故,前景可望保持審慎樂觀」。

雖則如此,李嘉誠長實主席聲明,繼續保留年初一句:世界政治經濟瞬息萬變,未來繼續在在不少挑戰之外,和黃主席報告書中,更首度加入佢覺得既不明朗因素,除經濟外,還有「政府政策及規限」!!

短短七個字,所指何處、何地、何等市場、那個政府,盡在不言中了。

如果市場諗既野,係誠哥確實諗緊既,下一樣野就會問,係咪撤資先?

邊會答,仲要白紙黑字!!?但提及海外投資方面,長實主席報告今次所用段句數,最少比上次多左一句,更重要係,段落開宗明首指:「致力鞏固現有業務發展,同時放眼全球投資機遇」,用字上,較之前簡單話將於海本港及海外繼續投資為強,次序亦明顯有別。

更有趣係,李生對海外投資目的,由年初「為股東締造價值增長」,改為今次「以股東利益為依歸」。誠哥同時在和黃報告中,首次加入,投資過程中「各個部門均會繼續嚴守財務紀律」,擺明,長和大舉海外攻堅,去意已決。

上半年,和黃來自歐洲EBITDA貢獻最大,達到三成半,香港貢獻再乘二都追唔上。百佳?對不起,無提。

但簡單睇零售業務,屈臣士中國同店增長由舊年同期百分之二點六增長,再放緩到僅僅一點四,相比之下,歐洲反有百分之四增長。單係呢個數字,唔係超人都知點辦!!!


沒有留言: