2013年8月12日星期一

高明

樓盤自讓環節,業主總會將單位說成天上有,地下無,實用、光猛、方便,但一講到點解要賣樓,十居其六話睇淡後市。

呢的業主夠老實,但既叫價貴、又睇淡樓市,豈非自己倒米?

商界聰明得多,策略檢討可以解釋一切,和黃賣百佳首輪周五截標,四十億上限估值,到底財團出價差距多大,希望屆時總會漏半點風聲。

四十億美元上限,相當於超過三十倍市盈率,縱使公關技倆上,有關方面成功打做「好野無平」,事關譬如百佳非低增長,毛利高達百分之六等等。

但除左資金善用投放,策略要檢討之外,就是這麼簡單?

和黃賣百佳,一定唔會好似業主自讓咁,既係靚野,又睇淡前景。有趣係,收購造勢大會之下,中資、日資、澳洲資金,又再引來美國沃爾瑪,未計私募基金,已達最少七個財團盛傳有興趣。

但外界似乎要搞清,係財團本身有興趣,抑或財務顧問有興趣替相關財團表達興趣?

就當外資財團的而且確有意爭奪百佳肥肉,但正如英國金融時報LEX 所指,盛傳買家之一華潤,已經曲線行動告之,中資對中大華超市業務興趣今非昔非,不然的話,當日雄心狀志,力拓內地業務既TECSO,豈會變相借合營之名,退出為實?

TECSO內地市佔率下跌,跌幅更大還有一間家樂福,而傳退出內地零售市場,佢地亦榜上有名。

百佳雖言廣東60店鋪皆有盈利,但外資要在內地競爭談何容易,何況近日中央在在擺出打擊外資、扶持國產貨的手段,以和黃股權已經在表明賣盤後、市值上升十分之一,再升空間又有多大??

如是者,百佳單憑香港概念,外資興趣之大,那確實成疑。

如果華創借合營公司,擴展內地之名,曲線壓低出價為實,華創委實高明!!! 

沒有留言: