2013年9月11日星期三

吹水的藝術


天朗氣清,精神爽利,如是者中環人忽發其想,想出三件事:
一,彭博之前累積不少大量中移動好倉。
二,庫克私底下受聘於雷軍,為諾基亞總裁另一無間道翻版。
三,王傳福個人喜好打水戰.....係吹水戰。

蘋果IPHONE打孖上,勢估不到,中移動成為SELL ON FACT受傷者。

但與其說FACT,極其量屬於A FACT NEVER COME TRUE。

中移動發獲售IPHONE,未發生。而由彭博率先挑起,包括蘋果讓步、APP Store予以分帳,幾個傳聞構成一個既定事實,中移動之跌,除預期落空之外,彭博有否手執中移動好倉,值得懷疑。

愛一個人,唔可以愛到出面,同樣喜歡一個產品、品牌,亦唔應該太過投諸個人情緒。

觀乎所謂廉價版IPHONE 定價,四四八八人仔,比小米一九九九,稱不上吸引,反而為人家造勢,價錢連聯想頂級智能手機型號每部三二九九人民幣,亦相差亦一大截。

平價版不平,更令內地網民咬牙切齒,是擺明庫克要鋸同胞一頸血!!

以5C為例,美金定價中國要七百三十三美元,相反美國僅僅五四九美金。

TIM COOK 缺乏創意,但市場營銷技倆屬一線超班,明知你中港熱話,咪順勢,送你做水魚!!!

IPHONE開售,市場熱話,到底屬於現象,抑或慣性指定動作,值得深究。什麼強勢出擊,好事成雙云云,比美國媒體報道美國品牌新作,感情用事大於一切。

如果睇睇美國大媒體報道,擺明已經預先假設,蘋果繼續輸俾三叔!!!

指紋識別認為,被庫克自以為得意之作,美國科技寫手明串:IPHONE USE FINGERPRINT, SHAREHOLER GIVE IPHONE A FIINGER!!!

毫無驚喜之外,華爾街日報認為,蘋果唯一之得,係連IPHONE用戶指模資料都攞埋,資料庫分分鐘比GOOGLE強。

庫克缺乏創意,反之我國有一個天馬行空、想法浪漫王傳福。

王老闆誇下海口,比亞迪成功研發超級跑車,車速由零至100公里只需要3.9秒。嘩,比亞迪股份於是乎由零升幅,變百分之十升幅,只需廿分鐘!!!

好!! 三點九鈔有幾快?較TESLA頂級電池跑車快零點一秒。而轉速最快日產GTR,慢一點一秒,大約比一個人從十二樓跳落街,慢少少!!!

之後一句仲豪氣:「一百起動要7秒以上的、根本不是車」!!

對於王老闆趣級跑車論,分析員反應不其然:SHOW ME THE CAR。

以比亞迪技術、既先過引擎,然後電池以及安全三關。嬉山莫嬉水,高管亦不能吹水!!

1 則留言:

FC 說...

did anyone listen to the keynote presentation before comment on the technology? The finger print information is only store on the unit and not on any Apple server.