2013年9月3日星期二

無間回歸


早想過,Steve Ballmer 不會默默離開微軟。

只是意想不到時間會咁快。

微軟行政總裁巴爾默、最終喺退休前,高調公布將微軟整合成一間軟件同硬件兼備嘅公司,向Google及蘋果作出還擊。

集團以現金54億歐元,收購合作伙伴諾基亞嘅手機業務同專利權。為微軟增添149億歐元嘅營業額之餘,三萬二個員工會轉歸微軟旗下,

當中焦點是由微軟,過檔諾基亞做行政總裁嘅埃洛普,三年多後重返微軟接掌整個手機業務,甚至被指會成為巴爾默嘅接班人,掌管整個集團。

作為首位非芬蘭裔掌舵人,帶領諾基亞三年,埃洛普於一一年曾經向員工發備忘錄,將當時諾基亞手機市場萎縮,形容為燒著的鑽油台。「Nokia, our platform is burning.」

說在鑽油台上的人,一定要作從沒想過抉擇,就是跳下水、才能獲救。

這次決定,原本被視為是諾基亞絕對反擊,但兩年後今日,微軟收購諾基亞,令人懷疑埃洛普當初的動機。

因為埃洛普加入諾基亞前、正正就是微軟商務部門主管,更是微軟的管理層之一。

FT 已經用「Sleeper Agency」、即是無間道的角色,甚至質疑ELOP當日棄諾基亞自行開發的智能系統不用,改為採納WP,就是部署今次「凱璇回歸」,角色有利益沖突之嫌!!

出價相當於營業額嘅0.35倍,比Google買摩托羅拉嘅0.77倍抵買。

巴爾默向員工表示,今次收購是微軟為邁向未來、走出的勇敢一步。

但睇番過去兩年半、微軟同諾基亞合作推「視窗手機」,一直唔見得順利,而進軍硬件市場,亦非微軟擅長。

早前自家推出視窗八「Surface RT」,就要撇帳9億美元。

除諾基亞之外,無乜大手機品牌用window mobile做操作系統。雖然市佔率在Smartphone排名第三,但過去一年在智能手機市場,佔有率只係由一年前3.1%,增至3.7%,遠遠落後Google 嘅android 及蘋果IOS 近80%及13%。

但在歐洲,例如德、英、法國、意大利和西班牙,視窗手機搶得8.2%市佔率,略有攀升。這可能與歐洲人較抗拒美國品牌有關。

一度雄霸全球,市值超越2000億美元,諾基亞曾經佔芬蘭股市市值三分之一,佔芬蘭出口四分之一。

被譽為「國寶」,不過今時今日諾基亞早已被本土人捨棄,現今敵不過對手沒落,諾基亞話會專注網絡基建及地圖業務。

相信Harvard Business Review 最好教材。 

沒有留言: