2013年9月5日星期四

小米


投資小米,隨時食大茶飯?

呢句說話,出自投資界口中。想食今次小米大茶飯,早已大有其人,而且殊不簡單,最少最近就有新加坡主權基金,以及美國高通。

兩間公司上月先參與小米科技一宗私募集資,為數二億多美元。

話說,某日某時,某位中環分析員,問某位基金經理一個普通問題,大概為:假如一間傳統藍籌公司大老闆,及一間名不經傳內地科技公司同時邀約見面,兩揀一?

基金經理二話不說選後者。因為,一,投資要與時並進,既然人人談新經濟,就應該認識新經濟、二,炒股多吹水,但那有一間公司高管不吹水?

既有機會立紙存檔,何樂而不為?

三,舊經濟藍籌股,大概一年有三百日,都會不斷重複業務及展望,無謂浪費時間。

幾年前,蘋果被指癲覆全球手機市場,幾年後今日,科技界討論熱話,變成為蘋果被小米癲覆。

此話當真?首先,科技從來吹水成份重,但吹水有人聽,即市場受落,可以搵真銀鳥。

簡單翻查華爾街日報、金融時報,以及部份外圍財經科技網站,小米名字見光機會在在最多,比得上聯想。

我地並非吹捧小米,事實在於小米手機,內地市場佔有率超越蘋果,蘋果騰雞,大搞內地產品發佈會,甚至盛傳向中移動讓步,曲線上小米從中作媒。

早前,台灣開售小米機,一下賣清光,HTC被殺至片甲不留,出號稱機王HTC One, 業績一樣滿缸紅!!但當媒體問,雷軍聽過嗎?原來無人識!!

雷軍被冠以中國喬布斯,雷軍小米,擺明炒蘋果,雷軍強調,小米屬於軟件公司。但有趣至極是,高舉軟件,卻先有小米手機、然後小米盒子,再來一部四核心、平盡全城的小米電視。到底,小米搞咩冬冬?

暫時除平、靚、正三大表面賣點外,其餘答案,無人知。但同屬雷軍名下一隻金山軟件,股價不斷新高,泡沬與概念,時間會有分曉。

按最近小米私人融資計算,小米其實非小,估值上原來已經高達一百億美元,成為繼阿里巴巴、騰訊、百度之後,內地第四大互聯網公司。在硬件市場,就與聯想不相上升。

科技界目前想不通為,到底目前行業由軟件、硬件、抑或內容話事?至少,小米軟硬兼備,在氣氛大好,概念充斥環境下,炒襲某程度上其實屬於增值創作!!!

科技及相關產品市場,引人入勝之處,並非股價,而是體現於地球在轉,日新越異。香港創意排名全球頗低,與其日日講地產,不如早日走出框框!!

沒有留言: