離奇作價

奇文共賞一篇，彭博在港股開市前、發左一篇報道。大意是創興今天復牌，股價可以升7.5%，結果都不用多言。

以為簡單數學，將粵海以每股35.69元收購，加埋廖創興企業因購回總部，派番約4.5元現金特息，計落就有40.21元、啱啱好係升7.5%!!

呢個情況，機會唔係無，但套用大行說法，根本就係「Blue Sky」 Scenario，即是最樂觀想法，只有剛剛7成半股東售股、先有可能。

不要忘記、粵海企業今次創先河，只是收購創興75%股權，以保持上市地位。因此只是簡單將兩個數加埋，其實唔啱數喎!!

要搞清楚條數、先要假設幾個條件:

一、是所有股東同意出售股權，換言之越秀只買其中75%、股東要持有餘下25%股權;

二、當然就是派特息建議可以獲得通過!

以35.69元出價計，實收75%即是26元左右、加埋4.52特息，即是坐底有31.28元。

最難估計、反而是淨低25%創興合理價點計?

其實不用假設，索性以今日收市價34.4元計，扣除他日派發特息、除淨價是29.88元，再一開四，正是每股7.47元。

加加埋埋、股東實收每股38.75元，揸一手相等於三萬九，換言之比今日收市價

有12%溢價。

所以中環人對創興今日股價表現、都大有離奇之感。

我地唔糾纏甚麼市場效率之說、不過今日「四條壹」急跌到34.4元，大跌八巴仙，市場肯定係見到一個不明朗，要解釋離不開有三個因素:

一. 市場不相信越秀收購最終可以成事;

二. 擔心日後越秀收購後、創興要伸手;

三, 是創興銀行8月初以來，累積升左60%，股東費時夜長夢多，唔等啦，索性「GOOD水」走人!

三個解釋恐怕明眼人一看就知，反而今次交易安排、巧妙之處正是4.52元的特息安排。

自從招行以3.1倍PBOOK出價後，即時奠定了「傻仔價」最高標準，越秀作為地方政府窗口公司，恐怕承受唔起做起另一個「傻仔」。

因此將出價分成兩部分，一方面市帳率即時降至2倍左右，越秀可以好向阿爺交待。

同時對股東來說，實收38.75元價錢，相當於市帳率2.34倍，比起平均銀行股PB 只有1.3倍，其實已經好好價，難以拒絕。

今日大新兩雄俱跌、只有永亨撐著，不過心水清者都知，以大新銀行為例、今次累升雖然達到87%，不過市帳率只有1點2倍，仲低過平均數。

其賓不用大行推介、黃師傅早在兩星期前，已經在開市埋位比晒貼士，大家識做啦!!