誰主？誰次？

5051個字
59次提到改革
22提到市場

如果唔睇內容，真係以為三中全會真係做到深化改革。

會前被譽為可以媲美、35年前，前領導人鄧小平提出，改革開放的三中全會。

長達5千幾字的公報、只有提綱挈領的指導性思想，是意料之內，即使這樣，涵蓋的範疇亦令外界失望。

有學者留意到、公報的內容有自相矛盾之嫌，其中會上提出、市場在分配資源上首次用起「決定性」作用。

但同時講到要以「公有制」為主，那政府與市場之間的關係，誰是主？誰是次？

一直看好中國經濟、美林的陸挺亦指出，公報用字含糊、單從內容看來，今屆三中全會，難以成為經濟改革的分水嶺。

戶藉制度、土地改革、人口政策，不是輕描淡寫，就是沒有提及。會前寄予厚望的國企改革，更是反高潮，因為公報指要發展以「公有制」為主的體制。

外界期望並非憑空想象、會前曝光的國務院研究中心「383」報告，當時分析形容改革尺度很大，針對的領域包括壟斷行業，土地、財金制度、國有資產管理等等。

麥格理留意到，報告中大刀闊斧的建議、公報中消聲匿跡，即使是建立統一城鄉用地的市場，這項建議其實五年前的三中全會亦已提出。

正因為今次三中全會落差實在太大、在經濟分析界，就好罕有出現兩個極端睇法，代表人物分別係求先提到美林陸挺、同埋瑞信陶冬博士。

陸挺睇得出相當有火、當內地媒體大字篇幅話市場被放到史無前例咁高位置，陸挺反而撥冷水，話自己作為行走內地江湖多年既中國經濟師，點樣解讀「基礎性」同「決定性」、根本就分別唔到。

仲揣測內地一般民眾、唔會覺得有分別囉!!

反而陶冬博士就領導人上身、話今次改革措施之全面、領導人之認真，反映會議是史上最全面、最有野心既一次。

歷史地位甚至高過1978年小平同志提出改革開放、以及90年代朱鎔基推動，中國加入世貿，因為今次方案兩者兼備.....

唔，睇勻內地媒體都無咁高既評價，唔通，瑞信內地生意唔係幾好?

撇除亂估、來自內地消息都指今次三中全會，內部確實有好大爭議，甚至到星期二下午，仍然做緊最後修訂。

中環人話、內地控制預期一向做得好好，今次出事皆因一分３８３報告被吹到天咁高。

不過有心水清者就提、三中全會有二百幾人開會，有一、兩個唔生性放料先行炒一轉，都未必係奇事！

對於今次三中全會整體評價、我地中國組同事，搵到內地著名經濟學者，被視為改革派的茅于軾做訪問，內容絕對值得參考!

茅老相信對一些爭議性不大、例如自貿區、利率及匯率市場化等改革，會加快推行。但就不要期望體制上會有撤底的變革，例如國企改革，由於已牽涉龐大的利益集團、私企變國企易，國企變私企難，沒辦法改變。

茅老仲批評、成立國安委和改革領導小組，兩者可能均由習掌舵，權力太集中，一旦犯錯，出了問題就很難糾正。

而且今次會議和十一屆三中全會沒有可比性，因當年係撥亂反正、今次不是大力度改革，也沒有中心思想。

唔知陶博士聽完、會有咩感受？