2013年12月3日星期二

股市方程式

人人認為,禾雀亂飛之日,正是股市散水之時。

歷史總會重複,但循環周期次次不盡不同。禾雀的而且確已經亂飛,但可能要待進一步亂飛、加劇亂飛,才到達臨界點?無人會知!!

市場氣氛熾熱,個個異常看漲,以往最少要兩個因素:
盈利,資金。

現在?改革兩個字全數包辦。正因如此,我們將股市計算工式稍為調整:由沿用P=E,改為P=R x M。

R代表改革,M等同資金。

屆指一算,十間大行有十間均同樣以改革為題,對來年市況持樂觀。經典如瑞銀,來年目標最壞二萬一左右、最好接近二萬九,基本亦近二萬六,三個不同情況下目標,但有趣在於三組預測均建基於盈利增長只有百分之六點七。

瑞銀預測明年指數暫時最牛,但預期來年盈利增長卻暫時最低,真係多謝都來唔切!

大行曲線表明,市況好壞在在基本面難以分析。歐美印錢,所以事情扭曲,我國技高一籌,全新中國式QE,印的不是銀紙,而是希望。

改革等於希望,希望提振氣氛,氣氛推動股市,因此近三星期,每每有關改革消息出台,股市即爆!! 中國萬歲!! 希望QE來得更利害!!

細價股當炒,但細價股豈止近月才具鑊氣。市場講求「殼資源」,內地借殼上市形同落閘,某程度上,內地殼資源落閘因素支撐四、五,六,七線股說法,係吹你唔漲!!

個市真係勁,但阿信屋比個市更勁。

米蘭話賣殼,股價亦金蟬脫殼。759 CEC無疑令人如痴如醉,不賣殼概念,而是跟祖國變革,轉型同出一徹。

轉型、管理層講野,炒上,管理層再講野,仲話自己都升到驚,結果?

短短一個月,升幅倍數計。

CEC有零七年個別當炒股影子,一,故事夠SEXY、二,幾乎長升長有。三,開始有行出所謂NOT RATED報告,類似唔買都過嚟睇下啦!!

CEC合理值多少,黃大仙可能知。前RBS,現在變身為CIMB券商,上月中認為,股價可見四個六。嘩!!一個月內達標,下年最佳分析員必定上榜!!

CIMB計算方式,將同阿信跟利亞零售比較,加兩成半折讓,再用二億盈利做基準,於是得出四個六。

但留意二億盈利,目標其實二零一七年,比較利亞零售,對方毛利四點三個百分點,阿信僅僅一點四,真正薄利多銷。

認同渣打講法,阿信最大敵人不是來貨商,而是王國龍,皆因領匯作為759 最大業主,四十六間店鋪位處領匯商場。

倒不如來一個PAIR TRADE,LONG 759,SHORT 823。得唔得?

細價股其實說到底,涉及信仰,信者有,不信者無。

沒有留言: