2014年1月15日星期三

大手筆


引用施老闆說話,特首第二份施政報告屬於大路。

的而且確,洋洋二萬多字,形同一碟揚州炒飯,配料應有盡有,食味與否則由外界俾分。

從人人有得住,仲要越住越好,到助弱,扶貧、安老、培育下代、環保、醫療等等,立體式藍圖,宏願與大計,仍然繫於一個字「錢」,錢從何來,SHOW ME THE MONEY!!!

特首在報告總結第一百九十四段落中明言:時有盈餘,但要根本處理好積存問題,量入為出關鍵。既要控開支,亦要增收入,審慎理財的同時,亦要發展經濟。

表面,上述一段說話劃分兩個主題,包括解決既有問題以及發展經濟。但有兩個主題串連,其實巧妙貫切,特首思路似乎在於,政府應該用儲備,用錢,解決既有社會問題,而洗得多並不打緊,因發展經濟,經濟好,錢就會番來!!!

幾乎是重新演繹「量入為出」的原則,差些就變成「量出為入」!

面對洋洋二萬多字藍圖,代價正如曾司長財政大臣所言,涉及每年二百億經常開支,約翰曾認同,經濟要發展,但人口老化,保障公共財政可持續性越見困難,公共服務既要分優次,適當儲蓄亦可以減少未來的折騰。

明顯,一個要用錢,一個想儲錢,大纜拉唔埋,未致於隔空開火,但矛盾實見明顯。

難怪匯豐梁兆基都忍不著批評,政府產業政策模糊定位不清晰,質疑政府如何拉動經濟,更擔心政府支出大增,會放棄「最後堡壘」,最終需要加稅。

而矛盾在於,政府現在想用錢解決問題,而希望發展經濟解決之後多用了錢構成的新問題,而香港目前部份問題,尤其住屋、貧富懸殊等等,某程度上卻是經濟發展結果,地產,加金融,高地價,收入差距拉闊不能否認,特首去年十多個委員會,除磚頭加股票之外,請問有否更好經濟發展方針路向有好建議過呢?

財爺對用錢著緊,一批人會批評為守財奴,但另一批人提到,財爺是大有難言之隱。

香港是否一如特首所指錢多呢?從儲備而言,是。而從經營帳目層面,根據去年預算案,特區未來幾年仍然有經營帳目盈餘,一七、一八年度為例,更有九百多億。

惟除經營帳、綜合帳之外,政府還有大量有預算,但未需要入帳開支,可以簡稱為或然開支,或然負債...

其中,公務員退休金承擔額現值,就涉及逾六千四百多億港元,公務員尚餘假期等值亦涉及二百多億,如此種種,假設必然有公務員集體劈炮,政府要支付退休基,儲備既時負數。

當然上述純粹極端舉例,但或多或少代表政府僅僅表面風光。

任何決定都有成本與效益,而針亦無兩頭利。稅基、四大支柱以外新發展、亞洲國際城市、搞科技、做中藥..十幾年,情況形同西九用地一樣。

正如經濟學者所指,目前香港問題並非在於用唔用錢,而係在於有咩方法,有咩經濟新賣點,令已出之財會再次豬籠入水。

沒有留言: