巨人殞落
阿巴杜九十年代初，被視為指揮大王卡拉揚接班人，話說卡拉揚早於六十年代電視節目，見過阿巴杜指揮後，另眼相看，於是力邀阿巴杜到維也納愛樂團指揮馬勒第二交響樂。
如果根據記載，真正第一位提携阿巴杜，實為伯恩斯坦，但七十年代，卡拉揚及阿巴杜兩人已劃上等號。
金融時報用上相當篇幅寫出阿巴杜一生，更為肖為妙在於，卡拉揚既獨裁、拜金、甚至被指將音樂及政治打上關係，阿巴杜完全相反，顯得形成份外清高，兩人本質上風馬牛不相及，可以走在一齊，實屬奇跡。
歐洲三大樂團，通通有過阿巴杜指揮棒綜影，但為人津津樂道是，他上任倫敦交響樂團後，成功令樂團起死回生。而所謂阿巴杜名盤，早於倫敦樂團作品最為值錢。
患病已久，阿巴杜離世不為意外，而跟財經有關，其實或多或少，反映唱片公司功利，或好聽一名，觸覺。
早前阿巴杜踏入八十歲前後，歐洲幾大古曲音樂唱片公司，包括Decca、大禾花，通通借八十為名，搵錢為實，紛紛推出一系列阿巴杜唱片集!
的確，近年無論流行樂壇、古曲樂界，都形成一種「翻推」風氣：咩咩周年記念、從未曝光作品等等。
例如，去年發行商就為Nirvana九三年大碟 Utero翻推二十周年版。
當然，翻推潮當然涉及作品經典因素，但更實際是，利字當頭，錢作怪，背後原因正正跟版權有關。
因為，根據大部份版權規定，作用如果從未推出，版權五十年之後即時自由身，但出過街的話，再多廿年。亦所以，老餅碟越來越多!!
阿巴杜離世，部份碟據講又有炒風，有趣是，聽聞內地大媽，一早亦加入炒碟行業，早前部份黑膠碟，大媽效應之下，數百升值至數千。
留言