2014年2月20日星期四

扎馬


百九億美金,以四億五用戶計,平均每名客戶值四十二美金,即我同你,都為交易估值貢獻三百二十七個六港銀。

WhatsApp目前每日新增用戶一百萬,每日用戶製造短訊五十億個,但公司僅僅五十多名員工,當中包括三十多名工程師,營運上屬於超低成本!!

但效益及盈利能力上,連摩根士丹利,即WhatsApp交易財務顧開、亦潑冷水,形容高不成,低不就,有聲勢,無盈利!!

朱總,朱克伯格今日道出現今科網界精要,:GROWTH IS THE POINT, NOT THE PROFIT!

的而且確,戰國時代,中環分析員形容,當今科網巨企,有如古惑仔電影內爭地盤前一樣,先要扎馬!! 有幾多,納幾多!!

十幾年前的科網熱講CLICK RATE,依家科網熱,講用戶。你三億,我五億,佢十億,用一個大數,加一個想象,就會構成盈利放大效應模式。

但講到底,單從今次朱總買WhatsApp,最少證明兩件事,一,FACEBOOK十年來發展,等同廢!!
二,騰訊估值有排估!!

報稱,朱總用一句說話,成功打敗GOOGLE收購WhatsApp,呢句係「LET'S GO TO CONNECT THE WORLD」。

但騰訊現有模式,隨時屬於 LET'S GONNA CHARGE EVERYONE IN THE WORLD!!

由於騰訊橫向及垂直發展超較FACEBOOK為強,故此有分析更認為,微訊每名客戶價值,一定超過四十二美元。

原因簡單,Whatsapp根本好難同微信直接比較,因為WhatsApp只向部分用戶,收取0.99美元年費、亦從來未有披露有幾多收入;

相反微信仲有手機遊戲、廣告、電子商貿以及新冒起手機支付服務。

以微信截至去年第三季,活躍用戶只有2.7億戶,巴克萊計過數,到去年底活躍用戶增加到超過3億,以佢地300億美元估值計算,換言之平均每名客戶估值,將高達100美元,比WhatsApp 高超過一倍有多!!!

朱克伯格報稱情人節拍板收購,由庫姆送上朱古力士多啤梨做定情信物!! 但公布收購當日,卻屬於FACEBOOK股價潛水日。

佢話,當用戶增至十億或以上,錢就會來,生意就會多,但大陸佢無份!!

區內市場還有一個因「星星」而人氣急升的LINE,如此下去,好等於當日微軟收購SKYPE一樣,為買野而買野,最後無做過野,結果係無左件嘢!!

科網及TMT併購,潮流興講每名用戶值幾錢。論最貴,估下!!

係COMCAST收購時代華納,以出價計,相當於每名用戶三千美金!!

1 則留言:

市場維京人 說...

Personally support What's App more~
It's simple, no copy cat!
Cheers~