2014年3月12日星期三

點指兵兵

)
一個走,一個追。兵賊仿似早分配......

事到如今,泰迪羅賓呢幾句歌詞,簡簡單單,大可改為:
一入股,死去跟,好壞已是難分辮!....點名兵兵,難理盜賊。
一揀中你,升幾倍到!!

二四一無謂入股的話,一零六零而加路數更難捉。

五十幾億市值,一度變為二百多億,試問,日捱夜捱,數口精盡,一世人,或咁多間公司、或云云眾多檔生意,有幾多真係可以一日之間,用實力、用血汗,再半點運氣,可以多賺百幾億?

染上馬雲,卻易如反掌。1060如果計及發行新股的話,假設一切不變,以最高位計,市值其實一度高達七百零五億。

雲哥成本六十多億,手執1060逾百億新股,以最高位計,六十億成本,帳面利率開市頭一個鐘內,即時、一度、曾經,確實帳面賺過三百多億!!

雲、騰凌架一切,中環大行戲言,以往跟中資股,查查各部委、各高幹關係網,涉及複雜及痛苦,難以筆錄。

現在來得容易了,雲哥,騰哥同邊個FRIEND,或個FRIEND做咩?咁就要留意,注意!

1668,241、1060,高德、京東等等等等,原本兵賊難分,但馬把我灌醉,全部成為高增值股。

於是,二千年科網年代模式,開始高層次複制,有咩地上搞,唔掂,有咩會線上進行,BINGO!!!

某程度上,就等同虛擬增值化升華版本!

241未被阿雲染指前,無人識該公司原本持有一個持牌醫藥網,現在人人談起藥。

中信銀行因為先後跟雲、騰簽過唔知咩既合作協議,內地A股被當隻網上銀行概念股炒作。

而馬化騰盛傳入股康佳,如無意外,隨時日本東芝、聲寶、樂聲都有被染雲概念。

買內容?二百,或七百多億市值計,呢筆錢足夠拍十部或以上大卡士製作,買曬一間電視廣播仲有找、甚至入股二十八間有線寬頻,有家都係做內容!!

虛擬網上世界代表潛力,但另一個標誌依然是想像,如果騰訊收購一間做插蘇公司,馬雲收購一個公廁,以市場目前品評口味,視雙馬如神風氣,上述兩個純屬虛構交易,都會被市場叫好。

無計,騰雲一時無兩,兩人亦成為繼量化寬鬆之後,最新,最快,最令人如痴如醉的全新財富分配工具!

沒有留言: