2014年5月2日星期五

萬洲二十九烈士

做I BANK有咩好?

如果以為人工高,機會多的話,今年以來,最多工自尋短見行業,I BANK上榜。

人工高?

但部份大行TRAINEE,月薪由四萬降至萬八。

被裁有肥雞餐?

更錯,據統計二零零九年被投行裁減的員工,絕大多數僅按勞工法例賠錢,甚至要獨守會議室,坐足三個月先走得,一毫子都唔賠!!

有人亦會話,i bank可能捱病,但一單Deal,Bingo啦!

事實亦不然,今年以為上市的大型新股,話上果隻,衰邊隻。有幸成為萬洲二十九烈士,情況更令人慘不忍睹!

人多勢眾,抑或人多累事,萬洲擱置上市亦為投行界必讀案例,由夠飛,到抽飛、減價再上市、最終擱置,除定價高、市況因素累事之外,由管理層到29保薦人甚至股東,都錯估形勢!!

結果承銷團全數白數,據聞只有三、至四間獲分類似體恤金,但據講連機票、酒店錢都都唔夠貼。

投行無疑被認定為大戶,但投行睇市準繩與否,有板大家睇! 

市唔得,IPO唔掂,今年來歐、美一眾投行,業績形同「投降」。

但逆市總有例外,跑出不是高盛、不是大摩、或中金、中信,而係估你唔到!!

亮麗大行,原來是澳洲幫麥格理,全年盈利升近五成,零八年來最勁!!! 美國業務更成為有麥格理歷史以來,首次超前大本營澳洲。

麥格理好,麥格理強! 但憑咩?

原來,人棄我取四個字一生受用。「袋鼠理」之得,主要受惠兩大範疇:商品交易及資產融資。

尤其後者,並非槓桿業務,而是等同於項目融資一種,以往i bank愛做,近年全數由商業銀行搞,但麥格理一聲: 我又要,一個悉尼機場融資,Deal Done!!!

好漢不吃眼前虧,早前間間美資行因為監管因素,撤出商品業務,結果正正造就「袋鼠理」漁人得利。

當然,花無百日紅,麥格理忽然跑出,係忽然,抑或真材實料,遲下定奪,但說i bank靠股市發圍是yesterday story,其實實不為過!!

沒有留言: