阿里郵局

阿里巴巴上市在即，28個神秘合夥人身分，即將曝光!!

現時市場對於合伙人的認識不多，只是知道包括22名阿里巴巴管理層成員，當中包括馬雲及蔡崇信等創辦人。

管理層代表就有首席執行官陸兆禧，和首席運營官張勇，另外還有6名相關公司或附屬企業的管理層。

既要現真身，巴巴決定採取一不做二不休策略，攻其本業，加大物流，染指郵局。

繼同澳洲郵政合作後，巴巴更宣布，動用３億幾坡元，或近廿億港元，入股新加坡郵政百分之十點３５股權。

從巴巴佈局，明顯橫向東南亞，以至南亞，下至大洋洲，物流關係網絡，兩日內打通。

相比起二四一、一零六零，市場今次會讚，Jack, well done!!!

眾所周知，網購靠物流，物流其實等同郵遞，澳、新合壁，阿里即時全球有多個物流網點。

大家又會問，郵政屬於公共服務，新加坡一切由政府持有，馬雲憑咩，可以搞掂新加坡? 既可以入股，更可能一齊JV？

一，新加坡一向肯make a deal，今日俾面你馬雲，將來等於無限聯想；
做巴巴基礎投資者？變相「侵」股內地電貿為首的科網市場？強化作為東南亞區物流中心!!

另外，如果據資料，新加坡郵政為廿二年前一拆三所產生，新加坡郵政最早有郵遞牌，但非獨家，TAS於九二年亦獲牌照。

巴巴要比阿馬遜或EBAY更強，網上平台要涉足全球五大洲，物流、運輸必須，下一步難道隨時入股航空公司？如果有經常郵寄到海外朋友都知，郵局收費，同一般速遞公司其實相差唔大，甚至更貴，巴巴因為郵政結盟，若喺物流成本上有折扣，贏梗!!!

值得一提，其實在於阿里巴巴日前跟澳洲郵政合作，當然最直接代表，阿里巴巴打通澳紐，但更受惠其實有兩件事，尤其銷售方面，澳洲人從來很少本土消費，事關太貴。

網購盛行的澳洲，對巴巴平台產品，受落程度較其他西方國家亦高，原因太簡單，澳洲即使一線百貨公司，產品近百分之八十八，MADE IN CHINA。

另一樣反映阿里佈局有深思熟慮，在於同澳洲郵政合作，曲線上有全面覆蓋澳洲嘅可能性。

事關，澳洲郵政雖然國營，但一般生意人隨時可以申請LICENCED POST OFFICE資格，即時做民營郵局老闆，運作模式形同SEVEN呢類加盟店，經營權係絕對開放。

澳洲咁多中國人，咁多現金，搞民營郵局，豈不是隨時等於幫馬雲開分店!!