2014年5月8日星期四

仲敢賭?


天要下雨,誰敢抵擋。澳門股隔日洗,屋漏兼逄夜雨,限人、又限錢,無疑利淡之極。

但從另一角度,簽證減停留天數,零八年試過,至於今次,那管七減五、或七減三,但據行業數字,內地簽證旅客平均逗留天數僅一點二日,即除非限制停留少於二十四小時,否則影響等同於零。

股價牽動市場看法,以往壞消息,即日沽貨,半日復元,今次洗完洗,七大博彩股市值蒸發八百億!! 說到底,市場已經由好轉淡,誰敢再說銀娛一百蚊呢?

如果散戶之前諗暮趁低吸納, 買定一批澳門博彩股, 今日真係食「驚風散」都唔掂!!

幾乎全線博彩股全面洗倉, 如果話比你聽皆因一張銀聯卡, 恐怕都無咩人信?

其實呢類消息, 「久唔久」都會有, 不過今次係銀聯官方發出聲明, 話要推出措施, 限制在澳門賭場非法使用銀聯卡, 並聯同兩地的監管和執法機構設立有效機制, 防範洗錢和資本外逃等問題。

其實銀聯卡的澳門業務, 早在2004年開通, 賭場內一直禁止使用。

但一批來自內地, 銀聯的移動支付設備, 最近非法流入澳門, 除了被用作虛假交易套現, 變相繞過內地的貨幣控制, 同時被用作逃稅。

分析指單是去年, 交易金額已超過400億人民幣, 澳門警方幾個月內, 多次對賭場展開突擊行動, 沒收相關設備和現金。

以去年計, 相關違規交易金額已超過400億人民幣, 加上又再傳出內地會收緊, 過境旅客逗留限期, 結果觸發一次恐慌性拋售

我地聯絡到澳博執行董事梁安琪, 佢話賭場一向都唔用銀聯卡, 只收現金, 因此打貪活動, 對賭場經營根本無影響。

一張銀聯卡是否對整個, 澳門賭彩業有咁大影響?

內地旅客目前只容許, 帶二萬人民幣過境到澳門, 每張提款卡上限只有一萬元

有業內人士指, 要避過限制, 有內地旅客會在當地以銀聯卡購物, 然後將貨品換回澳門元, 收回價雖然低至只有七、八成, 但就可以突破跨境資金限制

而大行亦普遍有保留, 花旗話貴賓廳客戶肯定不需使用銀聯卡, 只有少數中場高級客戶會使用, 即使以400億人民幣違法交易金額計, 佔博彩入僅4%

更妙是匯豐的說法, 根據佢地觀察, 有關人士已經唔再攞住銀聯的移動支付設備,大部分只係問客戶, 有無興趣攞多啲現金,令執法上可能會有困難

所以銀聯卡,澳博的確去年試過限制,有影響,但中場要賭,總有辦法,市場關注其實在於真正影響收益來源的貴賓廳資金供應問題。

話說回來,原來呂博士成假亞洲首富之日,幾乎是博彩股見頂之時。

由不斷增長,不斷利淡消息,不斷都即時復元,市場由靜待證據才轉變看法、到對任何消息都異常反應,皆因之前唔知,依家信晒!

任何稍有差池消息都拖低股價脆弱環境下,若明日有報道大字篇幅指明,某某賭場漏水,某某大場廁所太多異味,亦可以隨時要捱沽!!

沒有留言: